Arbeid på E39 i Vestnes

Arbeidet startar i veke 46, og skal etter planen pågå ut november.

– Vi skal grave i grøfter langs vegen for å legge drensledning, altså eit røyr i bakken som samlar opp og leier vekk vatn. Vidare skal vi heve grøftbotnen for å gjere den mer trafikksikker. I vårt kontinuerlege arbeid for å betre trafikksikkerheita jobbar vi både med vegen, det som er under dan, og det som er ved sida av den, seier byggeleiar Åge Ødegård i Statens vegvesen.

Det skal arbeidast på dagtid, 07.00-19.00, måndag-fredag. Nattarbeid kan skje ved behov. 

Det vil bli redusert hastigheit og lysregulering. I korte periodar kan det ved behov bli manuell dirigering.

Arbeidet skal tilpassast etter beste evne for ikkje å påverke periodane med størst trafikk frå ferje.

Det vil etterstrebast at det skal vere minst eitt køyrefelt ope til ei kvar tid.