Fiskeslam bør foredles før det blir brukt som gjødsel

I ein ny studie undersøkte forskarane gjødseleffekten av nitrogen og fosfor frå fire ulike typar fiskeslam. Forsøket viser at slammet inneheld fosfor som kan brukast av plantene, men effekten av nitrogen var svakare enn venta.

– Fiskeslammet vi har testa, har hatt gjødseleffekt, men denne har vore temmeleg dårleg. Det kan vera aktuelt som fosforkjelde, men vi må finna betre måtar å gjera næringsstoffa tilgjengelege for plantene på, seier NIBIO-forskar Åsmund Mikalsen Kvifte.

Forskarane fann ikkje problematiske nivå av tungmetall eller andre giftige stoff i slammet. Resultata tyder dermed på at fiskeslammet kan vere ei trygg råvare for vidareforedling.

Oppdrettsnæringa slepper årleg ut store mengder nitrogen og fosfor i sjøen. Dette representerer eit stort ressursproblem, ettersom dei store mengdene fosfor kunne ha vore utnytta i staden for å gå tapt.

– Vi må finna metodar som gjer næringsstoffa meir tilgjengelege for plantene. Det kan på sikt gjera det mogleg å utnytta meir av fosforet og nitrogenet i fiskeslammet, samtidig som vi reduserer behovet for mineralgjødsel, seier Mikalsen Kvifte.

Denne pressemeldingen er basert på en artikkel publisert på NIBIO.no. Medier kan fritt benytte både innholdet i pressemeldingen og tilhørende bilder mot kreditering av fotograf og henvisning til NIBIO.