Ingen streik i private barnehagar

29. september vart Delta og Private Barnehagers Landsforbund (PBL) samde i hovudoppgjeret i år. Det blir dermed ikkje streik i barnehagar knytt til PBL.

- Vi har fått eit resultat som sikrar reallønnsvekst, samtidig som nivåa på pensjonssparing blir bevarte, seier forhandlingsleiar og nestleiar i Delta, Marit Solheim.

Uaktuelt å godta dårligere pensjon

PBL ville redusere pensjonssparinga for å kunne gi lønnsvekst på linje med resten av arbeidslivet.

– For Delta var det heilt avgjerande å behalde barnehagepensjonen på dagens nivå. Å svekke pensjonsordninga var aldri eit alternativ, seier Deltas forhandlingsleiar, Marit Solheim.

- Vi er også fornøgde med at vi har fått ein auke i lønnstillegg for etter- og vidareutdanning og at vi har fått gjennomslag for forskottering av pleiepengar, seier Solheim.

Lønnsramma er på 4,4 prosent, noko som tilsvarer ramma i kommunesektoren (KS) og frontfaget. Å få gjennomslag for reallønnsvekst har vore hovudkravet for Delta i lønnsoppgjeret i år.

Viktige krav som er innfridd

• Reallønnsvekst for alle
• Oppretthalde bransjestandarden på barnehagepensjon
• Pleiepenger blir forskottert av arbeidsgivar frå 1. juli 2027
• Auka satsar for etter-/vidareutdanning

Partene vil halde fram forhandlingane om AFP for årskulla 1968-1970, med sikte på ei endeleg løysing i mellomoppgjeret i 2027.

Delta har forhandla saman med Fagforbundet og Utdanningsforbundet.