Eventyrlig frå Ingebjørg Bratland

Bli hjå meg til dagen gryr

og lær meg nye eventyr

“Eg har alltid vore glad i eventyr. Som lita kunne eg forsvinne heilt inn i dei, anten det var i gamle balladar eg lærte, eller i eventyr eg blei fortalt. Det å kunne måle sine eigne bilete ut frå ein tekst er noko eg er veldig glad i.

«Bli hjå meg» er mi eiga vesle eventyrforteljing. Ein song om natta som kjem, om stjernene som helsar medan ein ventar på lyset, og morgonen som gryr. Men mest av alt handlar songen om å kunne gjere det saman med ein du alltid vil skal bli hjå deg.

Når ein vågar å gå inn i det ukjende, kan ein finne noko ein ikkje visste at ein leita etter. Og det er vel kanskje akkurat det eg likar aller best med det å forsvinne inn i ein song eller inn i eit eventyr – å få oppdage noko nytt kvar gong.”

- Ingebjørg Bratland

Ingebjørg Bratland (1990) frå Telemark er ein av Noregs mest folkekjære artistar. Ho er kjend for si særprega røyst og evne til å formidle sterke kjensler med stor nærleik.

Med sterke røter i den norske folkemusikktradisjonen har ho utvikla eit musikalsk uttrykk som rører seg saumlaust mellom vise, pop og tradisjon, og som treff eit breitt publikum. Ho var allereie populær og etablert som artist og utøvar då ho for alvor slo gjennom med det Spellemannpris-vinnande albumet “Heimafrå” saman med Odd Nordstoga i 2013.

Ingebjørg har sidan etablert seg som ei tydeleg stemme i norsk musikkliv med eigne turnéar, utgjevingar og låtar som «Ingen som du», “Ljos" og «Fordi eg elskar deg». Gjennom karrieren har Bratland utmerkt seg som ein formidlar som kombinerer tradisjon med samtid, og som gir nytt liv til både eigne og andre sine tekstar. Ho arbeidar no med sitt femte studioalbum, som er venta i januar 2027.

Dei siste åra har ho nådd eit endå større publikum gjennom TV2-suksessen "Hver gang vi møtes", som mellom anna resultera i #1-hiten “Baby, du er rå!” i samarbeid med Hagle, og som framifrå mentor talentprogrammet i The Voice. Evna til å sjå talent i andre vart så til de grader tydeleg når ho i mai gjorde reint bord med å ha alle tre The Voice-finalistar. Ho har og stått på den legendariske revyscena Chat Noir i Oslo med “Ei ganske sann historie”, ei førestilling ho seinare tok med seg ut på turné.

Med sin sterke kunstnarlege integritet og evne til å skape gjenkjennelege, tidlause forteljingar, står Ingebjørg Bratland i dag som ein av landets mest etterspurde artistar anten det er konsertar, plater eller førestillingar. Sumaren 2026 spela ho eit utval festivalar, og no i oktober og november er det tid for ein omfattande Norgesturné med to konsertar i Operaen i Oslo som avslutning.  

Ingebjørg Bratland er høvesvis jamnleg kopla på, og du finn ho her:  heimeside – TikTok – Instagram - Facebook