No blir det enklare å levere dokumentasjonen for godstransport
10.6.2026 09:00:00 CEST | Samferdselsdepartementet | Pressemelding
I dag må transportnæringa ha med seg mykje av den lovpålagte dokumentasjonen for godstransport på papir. Arbeidarpartiregjeringa ønskjer å gjere dette enklare for både transportørane og styresmaktene, og føreslår difor å gje transportørane rett til å levere den lovpålagde dokumentasjonen digitalt.
– Arbeiderpartiregjeringa gjer kvardagen enklare for transportnæringa. I dag brukar sjåførar og transportørar mykje tid på papirbasert dokumentasjon ved kontroll. Vi vil gje dei høvet til å levere den same informasjonen digitalt. Det er ein fordel for både næringa og styresmaktene, seier samferdselsminister Jon-Ivar Nygård.
Framlegget er òg kjent som EUs eFTI-forordning. Den pålegg medlemsstatane å leggje til rette for at transportørane kan levere dokumentasjon om godstransport digitalt. Statens vegvesen skal no sende gjennomføringa av forordninga på høyring.
Dei gjeldande dokumentasjonskrava vert ikkje endra ved gjennomføringa, men transportørane kan framover nytte elektronisk dokumentasjon i staden for papirbaserte dokument. Det er frivillig for transportørane om dei vil ha dokumenta på papir eller digitalt. Regelverket gjeld godstransport på veg, jernbane og i luftfart, men ikkje sjøtransport.
Lågare kostnader – for næringa og styresmaktene
EU reknar med at transportnæringa sparar både kostnader og tid på grunn av eFTI-systemet. I tillegg er gjev redusert papirbruk og meir effektiv logistikk bra for miljøet.
– Mindre papirarbeid tyder lågare kostnader og meir effektiv drift for transportbransjen. Samstundes vert det enklare for kontrollstyresmaktene å gjere arbeidet sitt. Det er vinn-vinn, seier samferdselsminister Jon-Ivar Nygård.
Slik skal systemet fungere
Transportaktørar som ønskjer å bruke systemet, kan gjere dokumentasjonen tilgjengeleg via sertifiserte eFTI-plattformer. Desse er kopla til ein eFTI-portal som kontrollstyresmaktene har tilgjenge til. Statens vegvesen vert føreslått som ansvarleg styresmakt for portalen i Noreg, og vil òg yte brukarstøtte. Statens vegvesen arbeider med løysinga, og er i dialog med andre nordiske land om eit mogleg samarbeid.
Høyring
Statens vegvesen sender framlegget til nasjonal gjennomføring på alminneleg høyring. Ordninga må vere på plass i EU frå sommaren 2027. Det same vil gjelde Noreg viss forordninga vert teken inn i EØS-avtalen innan dette.
Meir informasjon:
Om oss
Samferdselsdepartementet har det overordnede ansvaret for rammevilkår for postvirksomheten, for luftfarts-, vei- og jernbanesektoren og for riksveiferjene.
Følg pressemeldinger fra Samferdselsdepartementet
Registrer deg med din e-postadresse under for å få de nyeste sakene fra Samferdselsdepartementet på e-post fortløpende. Du kan melde deg av når som helst.
Siste pressemeldinger fra Samferdselsdepartementet
Jannicke Hilland er ny styreleiar i Entur9.6.2026 14:56:35 CEST | Pressemelding
På dagens generalforsamling i Entur AS blei Jannicke Hilland vald som ny styreleiar i selskapet. Nestleiaren i styret, Leif Harald Jensen, og styremedlem Sverre Kristian Gjessing vart attvalde.
Ni av ti tog var i rute i mai og rekord i antall togreiser for andre år på rad3.6.2026 07:15:00 CEST | Pressemelding
Mai i år har vært ekstra skjønn for jernbanen med rekordhøy punktlighet, der 90 prosent av togene har vært i rute. For andre år på rad ble det også i 2025 satt ny rekord i antall togreiser.
Ny bru over rv. 70 ved Fale i Sunndal i Møre og Romsdal kan stå klar i 202822.5.2026 12:00:00 CEST | Pressemelding
Statens vegvesen inviterer i dag til konkurranse om å bygge ny bru over Driva ved Fale i Sunndal kommune.
Revidert nasjonalbudsjett 2026: Meir pengar til vedlikehald av riksvegane våre12.5.2026 12:01:09 CEST | Pressemelding
Regjeringa held fram med satsinga på vedlikehald av riksvegane, og foreslår å auke løyvinga til drift og vedlikehald med 603,3 millionar kroner. Med dette vil løyvinga auke til 12 milliardar kroner i 2026.
Revidert nasjonalbudsjett 2026: 150 millionar kroner i kompensasjon til godstogselskap12.5.2026 11:49:38 CEST | Pressemelding
Tryggleik for næringlivet er heilt sentralt i regjeringas plan for Noreg. Det gjeld også ved uføresette hendingar. Derfor foreslår regjeringa å løyve 150 millionar kroner i kompensasjon til godstogselskap. Pengane skal dekkje økonomiske tap etter kvikkleireskredet som ramma Nordlandsbanen ved Levanger i august i fjor.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom