Ingebjørg Bratland er her – her og no!

“Alt ropar etter merksemda vår i ei verd der me er meir påkopla enn nokon gong. Likevel hender det kanskje at me mistar kontakten med det som eigentleg er nærast – menneska rundt oss, og dei stille augneblinka som aldri kjem att.”

Ingebjørg Bratland treng ingen introduksjon; men det skader aldri å minne om kva for ein særprega røyst og kunstnar ho er. Allsidig og like heime framfor 50.000 ungdom på Rådhusplassen på VG-lista med nummer ein hiten “Baby, du er rå!” i lag med Hagle som ho er med hardingfele og folkemusikk i eit grendehus. Og ho skriv om det som rører seg og rører ho.

“Nyheiter, varslingar, innlegg og endelause straumar av informasjon flyt gjennom dagane våre. Midt i alt dette fekk eg lyst til å skrive ein song som undrar seg over kva som skjer medan blikket er festa til ein skjerm, eller tankane er ein heilt annan stad.”

Med eit talent som songar, låtskrivar, formidlar og scene-personlegdom som har gjett ho moglegheiter og suksess heilt utanom det vanlege er det enkelt å tenke at ho ikkje bruker mykje tid og energi på det kvardagslege. At ho fokusera på dei store måla og opplevingane. Men slik er det altså ikkje.

“Her og no handlar om dei små stundane som ofte glir ubemerka forbi: kaffikoppen som blir kald medan me skrollar vidare, kveldssola som søkk bak hustaka utan at nokon ser ho, sommaren som stilnar før me rakk å kjenne henne, og kjærleiksongen me aldri får med oss dei siste tonane av.”

Det er denne evna til å vera til stades, sjå og formidle som har gjort Ingebjørg til ein folkekjær artist som saumlaust kan røre seg mellom pop og folkemusikk, og alt anna ho måtte prøve ut, og at det kjennes ekte og treff eit publikum.

“Her og no er ein song om lengten etter å vere til stades i sitt eige liv. Om å løfte blikket, om så berre eit lite augneblink, og oppdage det som allereie finst rundt oss. For kanskje er det dei små tinga som betyr mest. Kanskje er det alt det som skjer mellom oppdateringane som er det mest verdifulle av alt.”

Ver “Her og no” med Ingebjørg Bratland frå fredag 12. juni, og ta med deg bodskapet vidare inn i sumaren og livet.

Ingebjørg Bratland (1990) frå Telemark er ein av Noregs mest folkekjære artistar. Ho er kjend for si særprega røyst og evne til å formidle sterke kjensler med stor nærleik. Med sterke røter i den norske folkemusikktradisjonen har ho utvikla eit musikalsk uttrykk som rører seg saumlaust mellom vise, pop og tradisjon, og som treff eit breitt publikum.

Ho var allereie populær og etablert som artist og utøvar då ho for alvor slo gjennom med det Spellemannpris-vinnande albumet “Heimafrå” saman med Odd Nordstoga i 2013. Ingebjørg har sidan etablert seg som ei tydeleg stemme i norsk musikkliv med eigne turnéar, utgjevingar og låtar som «Ingen som du», “Ljos" og «Fordi eg elskar deg». Gjennom karrieren har Bratland utmerkt seg som ein formidlar som kombinerer tradisjon med samtid, og som gir nytt liv til både eigne og andre sine tekstar. Ho arbeidar no med sitt femte studioalbum, som er venta i januar 2027.

Dei siste åra har ho nådd eit endå større publikum gjennom TV2-suksessen "Hver gang vi møtes", som mellom anna resultera i #1-hiten “Baby, du er rå!” i samarbeid med Hagle, og som framifrå mentor talentprogrammet i The Voice. Evna til å sjå talent i andre vart så til de grader tydeleg når ho i mai gjorde reint bord med å ha alle tre The Voice-finalistar. Ho har og stått på den legendariske revyscena Chat Noir i Oslo med “Ei ganske sann historie”, ei førestilling ho seinare tok med seg ut på turné.

Med sin sterke kunstnarlege integritet og evne til å skape gjenkjennelege, tidlause forteljingar, står Ingebjørg Bratland i dag som ein av landets mest etterspurde artistar anten det er konsertar, plater eller førestillingar. I oktober og november Sumaren 2026 speler ho eit utval festivalar, og i oktober og november er det tid for ein omfattande Norgesturné med avslutning i Operaen i Oslo. 
Ingebjørg Bratland er høvesvis jamnleg kopla på, og du finn ho her:  heimeside – TikTok – Instagram - Facebook