Skred tok hus og naust – no er Skjelbostad sikra mot skred

– Dette handlar om tryggleik. No er folk som bur og driv næring i området tryggare enn før, seier Brigt Samdal, direktør for skred- og vassdragsavdelinga i Norges vassdrags- og energidirektorat.

Har vore utsett for skred
Skjelbostad i Innfjorden har fleire gonger vorte ramma av skred. Den største kjende hendinga skjedde i 1991, då eit skred knuste ein fjøs, ein garasje og eit naust. I tillegg blei eit bustadhus fjerna frå grunnmuren og fekk omfattande skadar.  Ingen menneske blei skadd.

NVE kartla området i 2016 og identifiserte fleire faresoner. Det la grunnlaget for sikringstiltaka som no er gjennomførte.

Langvarig arbeid gir auka tryggleik
Arbeidet med å sikre området starta hausten 2024 og vart ferdigstilt våren 2026. Det er blant anna bygd ein stor skredvoll og eit massebasseng som kan ta imot skredmateriale ved ei hending.

Prosjektet har i hovudsak gått som planlagt og er gjennomført innanfor ei budsjettramme på om lag 24 millionar kroner.

Gjennom prosjektet er fleire bustadar og verksemder no betre verna mot skred.

– Godt samarbeid har vore avgjerande for å lukkast. Både kommunen, entreprenørar og lokalsamfunnet har bidratt til eit godt resultat, seier Samdal.

Viktig førebygging
NVE peikar på at sikring og førebygging er ein viktig del av arbeidet med å redusere skadar frå naturfare.

– Det er langt betre å førebygge enn å rydde opp etter skader. Samtidig veit vi at behovet er stort. Det er anslått at det vil koste rundt 85 milliardar kroner å sikre all utsett bebyggelse i Norge, seier Samdal.

Han understreka at klimaendringer vil gjere behovet for både kartlegging og sikring enda større i årene som kommer.

Skaper tryggleik og forutsigbarhet
Ordføraren i kommunen er svært fornøgd med at tiltaka no er på plass.

– Dette betyr mye for lokalsamfunnet. Sikringstiltaka gir tryggleik i kvardagen og forutsigbarhet videre utvikling i område, seier ordførar Yvonne Wold i Rauma kommune.

Tysdag 2. juni blei sikringsanlegget formelt overlevert frå NVE til kommunen. Kommunen får ansvar for drift og vedlikehald av anlegget.

Om tiltaka
Det er gjennomført fleire tiltak for å sikre område:

• Det er bygd ein skredvoll på rundt 250 meter, med ei høgde på opptil 7 meter
• Det er etablert ein mindre voll og eit massebasseng for å handtere massar ved skred
• Rundt 1500 lastebillass med stein er brukt i anlegget
• Mesteparten av vollen er bygd med lokale massar, noko som reduserer klimagassutslepp
• Arbeidet ble midlertidig stansa to gonger undervegs grunna skredfare
• Det er lagt vekt på å ivareta landbruket gjennom erstatningsareal og god arealutnytting