Forsvaret rekvirerer grunn
7.5.2026 13:35:07 CEST | Forsvaret | Pressemelding
I samband med ei militær øving som startar 10. mai, vil grunneigarar i kommunane Ringsaker, Hamar, Løten, Elverum og Stange få digitalt brev frå Forsvaret om rekvisisjon av øvingsområde.

Øvinga SERE C blir gjennomført som ei feltøving i regi av Forsvarets vinterskule frå 10. til 14. mai. Øvinga skjer i hovudsak i utmark på både offentleg og privat grunn. Det deltek om lag 60 soldatar i øvinga, både med og utan våpen. Det vil òg bli nytta hundeekvipasjar. Rundt 15 hjulkøyretøy vil operere i øvingsområdet, i tillegg til bruk av helikopter og dronar.
Det er verdt å merke seg at det òg vil vere noko helikoptertrafikk om morgonen 14. mai.
Rekvirerer grunn
I samband med øvinga sender Forsvaret, via Trenings- og øvingsavdelinga (J7) ved Forsvarets operative hovudkvarter (FOH), eit digitalt varselbrev til grunneigarar om rekvisisjon av øvingsområde. Varselet blir sendt til grunneigarane gjennom ei digital postkasse, til dømes Digipost. Dette gjeld alle grunneigarar som ligg innanfor det definerte øvingsområdet i kommunane Ringsaker, Hamar, Løten, Elverum og Stange.
Dersom grunneigarar oppdagar skade på eiga tomt eller eigedom som følgje av øvingsaktiviteten, bør ein melde dette inn så snart som mogleg til forsvaretskade@mil.no. Same e‑postadresse kan nyttast dersom publikum har spørsmål om sjølve rekvisisjonsordninga.
Rettar ved rekvirering
Sjølv om du får melding om rekvirering, betyr ikkje dette at sjølve øvinga treff deg. Men om rekvireringa treff deg, er det viktig å veta kva rettar du har. Informasjon om reglar og rettar vil også bli lenkja til i meldinga du får i den digitale postkassa di.
Tidlegare har rekvisisjonsordninga til Forsvaret vore gamaldags og tidskrevande, men no har Forsvaret digitalisert rekvisisjonane. Dette effektiviserer prosessen, informerer grunneigarar direkte og kuttar utgifter til kunngjering.
Rekvisisjonsordninga er ei ordning for å sikra Forsvarets operative evne til å utføra militære operasjonar. Det betyr at ein er pliktig i å stilla gjenstandar eller grunn til rådigheit for Forsvaret når situasjonen krev det. Etter ei re-etablering av ordninga, har Forsvaret utvikla ein digital ressursdatabase som skal gjera det lettare for både deg og Forsvaret.
Kuttar kostnader
Den nye måten å rekvirere eigedom til øvinga på, er basert på den same databasen. Med enkle grep har databasen blitt modulert til også å kunne nyttast til rekvisisjon av eigedom, med direkte informasjon om dette til aktuelle grunneigarar.
Før blei rekvisisjonane annonserte i papiravisa. Desse annonseringane kosta Forsvaret i overkant av ein halv million kroner årleg. I og med at verda har blitt meir digitalisert, og færre les papiravis, så har annonsane truleg gått mange hus forbi, og difor også pengar sløst. Forsvaret ønskjer difor at den nye ordninga skal hjelpa grunneigarane med å få med seg når Forsvaret skal øve i deira nærområde.
Nøkkelord
Kontakter
Forsvarets operative hovedkvarterPressevakt
Tel:+47 40 43 80 83foh.info@mil.noLenker
Om Forsvaret
På oppdrag frå politikarane løyser Forsvaret ei rekkje oppdrag for å halde Noreg trygt. Forsvaret er det sterkaste verkemiddelet norske styresmakter har. Politikarane har bede Forsvaret om å løyse fleire oppgåver på vegner av samfunnet. Vi har samanfatta oppgåvene våre i fem hovudoppdrag:
- Forsvare Noreg og Noregs allierte
- Overvake og drive etterretning
- Trygge grensene og sikre handlefridom for politikarane
- Samarbeide internasjonalt
- Støtte det sivile Noreg

Følg pressemeldinger fra Forsvaret
Registrer deg med din e-postadresse under for å få de nyeste sakene fra Forsvaret på e-post fortløpende. Du kan melde deg av når som helst.
Siste pressemeldinger fra Forsvaret
Minedykkere øver ved Horten og i ytre Drammensfjord16.11.2026 10:27:59 CET | Pressemelding
Fra 16. til 27. november gjennomfører Minedykkerkommandoen i Sjøforsvaret deler av øvelsen Arctic Advance 2026 i Horten-området og i ytre Drammensfjord, sør for Svelvik. Under øvelsen vil det bli gjennomført kontrollerte sprengninger av sjøminer fra andre verdenskrig.
Signerte avtale for et sterkere maritimt samarbeid11.11.2026 08:30:53 CET | Pressemelding
De ti landene i Joint Expeditionary Force (JEF) har signert en ny avtale som skal styrke det maritime samarbeidet og den kollektive sikkerheten i Nord-Europa.
Britisk hangarskip med havnebesøk i Oslo5.11.2026 14:16:34 CET | Pressemelding
Etter en periode med samtrening i våre nærområder, seiler det britiske hangarskipet HMS Prince of Wales inn Oslofjorden. I Oslo skal hangarskipet være vertskap for møter om sikkerheten i Nord-Europa.
Alliert fartøy skal besøke Oslo4.11.2026 14:55:18 CET | Pressemelding
I løpet av de neste dagene vil et alliert fartøy seile inn til Oslo.
Katastrofeøvelse på Haakonsvern Orlogsstasjon1.10.2026 08:16:36 CEST | Pressemelding
Torsdag 1. oktober vil Sjøforsvaret i samarbeid med Haukeland Universitetssykehus gjennomføre en katastrofeøvelse på Haakonsvern Orlogsstasjon. Øvelsen gjennomføres to ganger årlig, og har vært gjennomført siden 2022.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom