Tamber Shield 26: Saman om å sikre norsk beredskap

Dei neste vekene vil det vere økt aktivitet i Bergensområdet med britiske og norske fartøy, og britiske helikopter. Øvinga er viktig for å sikre beredskap og felles forsvarsevne.

Øvinga Tamber Shield har blitt gjennomført årleg sidan 2023, som ein viktig arena for samtrening mellom Sjøforsvaret og Royal Navy. Det er den britiske 815 Naval Air Squadron som leiar øvinga, og deltek med sine Wildcat-helikopter. I tillegg deltek britiske patruljefartøy, norske Skjold-klasse korvettar og fregatten KNM Fridtjof Nansen.

I år skal Tamber Shield også fokusere på å utvikle nye operasjonskonsept med ubemanna system. For første gong skal ein britisk droneskvadron delta med overvakingsdroner. 

Øvinga blir gjennomført i Bergensområdet, og varer frå 27.april til 14.mai - med mest aktivitet frå 4.-14.mai.

Tidlegare i år signerte Norge og Storbritannia ein helikopteravtale, for å vidareføre samarbeidet frå operasjon Highmast og gjere det mogleg for britiske helikopter å operere ut frå norske basar og fartøy.

– Tamber Shield er ein viktig arena til å vidareutvikle vår allereie tette integrering med Storbritannia og Royal Navy. Ved å trene i norske fjordar og kystnære område, sikrar vi ein betre beredskap for Noreg og ei sterkare felles forsvarsevne saman med ein av våre nærmaste allierte, seier sjef Marinen, flaggkommandør Kyrre Haugen.

Fakta om Tamber Shield 26:

• Øving Tamber Shield 26 foregår frå 27.april til 14.mai i Bergensområdet.
• Tamber Shield er ei årleg øving leia av britiske 815 Naval Air Squadron, kor norske og britiske fartøy og helikopter har trena saman kvart år sidan 2023.
• I år fokuserer øvinga på å utvikle nye operasjonskonsept, blant anna med ubemanna system.
• Sjøforsvaret deltek med korvettar i Skjold-klassen frå 1. Korvettskvadron, og fregatten KNM Fridtjof Nansen. I tillegg til å vere vertsnasjon for dei britiske skvadronane og fartøya som er til stades under øvinga.
• Royal Navy deltek med Wildcat-helikopter frå 815 Naval Air Squadron, Puma overvakingsdroner frå 700x Naval Air Squadron og P2000 patruljefartøy.