Ođđa gulahallanovddasvástideaddji Riddu Riđđu Festiválas

Riddu Riđđu juohká illusága ahte sii nannejit joavkkuset Signe Bertine Birkeland Johnseniin gulahallanovddasvástideaddjin. Johnsena dovdet ovdalaččas Riddu Riđus, go son lea leamašan fárus mánnávuođa rájes ja leamaš nuorra bargin ja geassebargin moanat jagiid. Dasa lassin lea son eret Olmmáivákkis, ja vállje dál máhccat ruoktot virggi dihte.

Gulahallanovddasvástideaddjin galgá Signe bargat ollu márkanastinstrategiijaiguin ja sisdoallobuvttademiin sosiála mediaide, neahttasiidui, mediaide ja eará kanálaide, ja maid siskkáldas gulahallamiin.

Signe lea jagi lohkan sámegiela UiT:s. Dasa lassin áŋgiruššá son sihke sámi vuoigatvuođaid ja mearrasámi nuorra geahččanguovllu ealáskahttima ovddas, go son lea čállán kronihkaid fáttá birra ovdal.

Johnsen ieš dadjá:

“Šaddá mearehis gelddolaš álgit Riddu Riđđui bargat. Beassat leat mielde festivála viidásit jođiheamis mearkkaša munnje ollu. Mun lean ieš eret Olmmáivákkis ja oažžu dadjat ahte lean bajásšaddan Riddu-guolbanis, gos festivála lea leamašan dehálaš arenan nannet mu ipmárdusa das man dehálaš searvevuohta ja eamiálbmogiid rahčamušat leat. Mun illudan álgit bargat ja beassat leat mielde viidáseappo ovdánahttime dakkár dehálaš festivála go Riddu Riđu. Lea maid hávski beassat fárret ruoktot Gáivutnii!"

Festiválajođiheaddji, Sajje Solbakk, lea ilus ođđa virgádemiin:

"Lea hirbmat illu sávvat Signii bures boahtima dán rollii. Son lea bajásšaddan Riddu Riđuin ja dovdá festivála siskkil. Signes lea sihke viiddis hárjáneapmi festiválas ja duohta beroštupmi sámegillii, sámi kultuvrii ja nuoraidperspektiivii. Mii leat rámis oažžut su jovkui!"

Johnsen álgá gulahallanovddasvástideaddjevirgái cuoŋománu 1. beaivvi ja beassá dasto leat fárus ráhkkaneamis festiválii, mii lágiduvvo suoidnemánu 8.-12.b. Olmmáivákkis Gáivuona suohkanis.