Forsvarsbygg styrker forsvarsevna og bulysta på Porsangmoen

Dei to nye bygga blir på høvesvis 585 og 525 m² bruttoareal, og rommar totalt 48 hyblar fordelte over tre etasjar. Seks av hyblane blir lagde til rette for universell utforming.

Bulyst som strategisk grep

Nye og funksjonelle bueiningar gir ikkje berre betre buforhold – dei bidrar til auka trivsel og bulyst for Forsvarets personell. Dette er eit strategisk tiltak for å sikre ei robust forsvarsevne.

– Med å bygge nye moderne og funksjonelle bygg legg Forsvarsbygg til rette for ein effektiv og trygg kvardag for Forsvarets personell. Vi bygger og driftar – det er slik vi samarbeider og beredskap blir bygd, seier Jens Hugo Leiknes, prosjektsjef i Forsvarsbygg.

Prosjektet omfattar også frittståande sykkelbuer og ein opparbeidd utomhusplan med gangareal, snødeponi, sykkelparkering, bilparkering og plantning. Tiltaket inneber riving av ein eksisterande garasje for å gi plass til dei nye bustadene.

Bygga får namn etter dei nærliggande fjella Bàtnàlas og Ruitogàisà og vil bidra til auka trivsel, betre beredskap og ein meir attraktiv bufasilitet for personell som tenestegjer i området.

Prosjektet blir lyst ut som totalentreprise og er publisert i Doffin. Innleveringsfristen er 12. mars. Kontraktsinngåing og byggestart er venta etter tildeling våren 2026, med planlagd ferdigstilling av kvartera i november 2027.