Ikkje løyve til Kalvebakkelva kraftverk

Kalvebakkelva var planlagt i vassdraget Kalvebakkelva, som renn ut i Ramfjorden i Tromsø kommune. Kraftverket var planlagt med ein installert effekt på 3,1 MW og ville gjeve ein årleg produksjon på omlag 10 GWh.

NVE legg stor vekt på konsekvensane tiltaket vil medføre for reindrift. Tiltaket kan få betydelege konsekvensar for særverdiområde, i dette tilfelle viktig kalvingsland. Området er spesielt for regionen og NVE viser til at ei utbygging kan føre til ei endring av det rike artssamfunnet og føre til at regionalt sjeldne mosar kan forsvinne. I avgjersla er det også tillagt stor vekt at tiltaket vil kunne føre til store og varige sår i eit høgfjellsområde. Fråføring av vatn på utbyggingsstrekninga vil óg redusere Kalvebakkelvas verdi som lokalt landskapselement.

Etter NVE sitt syn har tiltaket negative konsekvensar på mange områder. NVE meiner at desse samla sett ikkje står i forhold til auka kraftproduksjon eller andre positive effektar av ei utbygging. NVE meiner at dei negative konsekvensane av ei utbygging ikkje kan vegast opp med avbøtande tiltak.

NVE vurderer det slik at ei utbygging av vassdraget ikkje er akseptabel i høve til allmenne interesser og gjev difor ikkje løyve til Kalvebakkelva kraftverk.

Les meir om avslag til Kalvebakkelva krafverk på NVEs nettstad.

Kontaktpersonar:
Seksjonssjef Øystein Grundt, tlf. 22 95 93 89 / 90 19 82 16
Avdelingsingeniør Solveig Silset Berg, tlf. 22 95 93 25