Deler ut 17,5 millionar for betre fartøy-kunnskap

Tilskotet i statsbudsjettet for 2026 er på 17,5 millionar kroner. Det er 1,3 millionar mindre enn 2025-potten.

– Langs heile kysten finn me unike båttradisjonar som mange engasjerte fagfolka og frivillige jobbar hardt for å bevara. Med desse tilskota ønskjer me å støtta opp dette arbeidet, slik at me kan ta vare på kulturmiljøet til kysten for framtidige generasjonar, seier klima- og miljøminister Andreas Bjelland Eriksen. 

Gir tilskot til 11 prosjekt 

Riksantikvaren fekk søknader om tilskot til fagutviklingsprosjekt frå åtte aktørar på til saman 11 millionar kroner. Det er også seks prosjekt som blir frå vidareført 2025. 

– Me har fått mange gode søknader, og ser at det er stor interesse og behov for desse tilskota. Det er veldig bra at fartøyvernmiljøet søkjer om tilskot for å auka kunnskapen, seier riksantikvar Hanna Geiran. 

– I år gir me tilskot til totalt 11 prosjekt, som mellom anna deler handverkskunnskap og byggjer bru mellom frivillige og det profesjonelle fartøyvernmiljøet, seier ho. 

– I tillegg prioriterer me prosjekt som sikrar kunnskap ved dokumentasjon, tilgjengeleggjering av arkivkjelder i privat eige og betre deling av kunnskap, seier Geiran. 

14,4 millionar til kjerneaktivitet 

Det blir mellom anna gitt tilskot til Norsk Veteranskibsklubb, til å gjennomføra eit kurs ved Bredalsholmen dokk og fartøyvernsenter for å overføra kunnskapen og kompetanse om drifta av dampmaskiner til nye medlemmer.   

Baatbyggermuseet på Vestnes får også eit tilskot for å gjennomføra eit praktisk retta seminar med søkjelys på dokumentasjon og handverk.  

Det blir også gitt tilskot til det siste året for prosjektet «Segl i naturfiber – eit levande handverk». I samarbeid med Hardanger fartøyvernsenter har det vorte haldne fagsamlingar, der vevarar og veveri har sett på ulike måtar å attskapa noko av kvaliteten på seglduken frå slutten av 1800-talet.

Det er sett av 14,4 millionar kroner som tilskot til kjerneaktiviteten i dei tre nasjonale fartøyvernsentrene – Bredalsholmen dokk og fartøyvernsenter, Hardanger fartøyvernsenter og Nordnorsk fartøyvernsenter. 

Kjerneaktivitetar er aktivitetar knytte til dokumentasjon, rådgiving, nødhamn og delelager.

Dette gjer at dei tre sentera kan fylla rolla som nasjonale kompetansesentera for alle som eig og forvaltar verna og freda fartøy.

– Dei tre nasjonale fartøyvernsentrene har eit stort ansvar som kompetansesenter for alle som eig og forvaltar verna og freda fartøy. For å sikra føreseielegheit er tilskota lagde på same nivå over ein treårsperiode, seier Geiran.

Tilskudd til fartøyvernsentrene:

Senter	2026-2028
Nordnorsk fartøyvernsenter	3 300 000
Hardanger Fartøyvernsenter	6 600 000
Bredalsholmen dokk og fartøyvernsenter	4 500 000
TOTAL	14 400 000

Tilskudd til fagutviklingsprosjekter:

Bredalsholmen dokk og fartøyvernsenter	Tidfesting av verktøy, materialer og utstyr - utvidet undersøkelse	251 912
Båtbyggermuseet	Seminar "Laust og fast om bord"	232 000
Hardanger fartøyvernsenter	Ferdigstilling trearbeid på stålbåtar	326 800
Hardanger fartøyvernsenter	Riggprosjektet	172 952
Hardanger fartøyvernsenter	Setting og trykking av prosjektet "Mål og mening"	60 000
Hardanger fartøyvernsenter	Dokumentasjon av halvmodeller i Hardanger og Sunnhordland	105 600
Isegran fartøyvern	Faktaark om EL-anlegg i vernede fartøy	77 851
Isegran fartøyvern	Sikring av arkivet etter Gravdal skipsbyggeri	71 302
Nordnorsk fartøyvernsenter	Fargekatalog mannskaplugarer i små tradisjonelle fiskefartøy andre halvdel 20.århundre	309 416
Nordnorsk fartøyvernsenter	Forprosjekt Elvebåter i Namsenvassdraget	454 820
Norsk Veteranskibsklub	Seminar -Kunnskapsoverføring vedr. arbeid med dampmaskiner	144 000
TOTALT		2 206 653

Prosjekter som videreføres:

Bredalsholmen dokk og fartøyvernsenter	Nye arkivkilder	125 700
Bredalsholmen dokk og fartøyvernsenter	Valsing av hudplater	279 400
Hardanger fartøyvernsenter	Videreutdanning for håndverkere i fartøyvern	819 480
Hardanger fartøyvernsenter	Losbåt-variasjoner	105 560
Hardanger fartøyvernsenter	Skipsdata, innsamling og tilgjengeleggjering	199 722
Tarpon AS	Seil i naturfiber	360 000
TOTALT		1 889 862