NVE inviterer til folkemøte om nye transformatorstasjonar og kraftleidningar i Vik kommune

NVE har ansvar for å handsame søknadane og gjennomfører no ei felles høyring av desse. Gjennom høyringsprosessen ønskjer NVE å få innspel til planane og forslag til tiltak som kan redusere negative verknadar. 

NVE arrangerer folkemøte 3. desember 

I samband med høyringa, arrangerer NVE eit ope folkemøte i Vik kommune 3. desember. Møtet finn stad klokka 19.00 på Blix hotell i Sentrumsgata 44.   

Statnett, Sygnir og Statkraft vil vere til stades på møtet for å fortelje om planane. NVE vil orientere om handsaminga av søknadane. Det er også sett av tid til å stille spørsmål.  

Dette blir det søkt om 

Statnett søkjer om å byggje ein ny 420 kV kraftleidning frå Ramnaberg til nye Vik transformatorstasjon i Ovrisdalen. 

Sygnir søkjer i hovudsak om å overta og byggje om Statnetts eksisterande 300 kV kraftleidning til 132 kV på strekninga frå Dagshovden, via Hove, til ny Refsdal transformatorstasjon. Alternativt ønskjer dei å byggje ein ny 132 kV leidning ved sida av Statnetts planlagde 420 kV leidning frå Hove til Refsdal.  

Statkraft søkjer om endra nettilknyting for Hove, Refsdal og Målset kraftverk.  

Høyringsfrist 7. januar 2026

Gjennom høyring av konsesjonssøknaden ønskjer NVE å få innspel til planane og forslag til tiltak som kan redusere negative verknadar.  

Søknadane er tilgjengelege på NVEs nettsider: 

• Statnett: www.nve.no/16091/a 

• Sygnir: www.nve.no/16121/a 

• Statkraft (Hove kraftverk): www.nve.no/25810/a 

• Statkraft (Refsdal og Målset kraftverk): www.nve.no/25797/a  

Høyringsfråsegn kan sendast via skjema på nettsidene i sakene, via e-post til nve@nve.no eller i brev til NVE, postboks 5091, Majorstuen 0301 Oslo.  

Vi ber om at alle høyringsfråsegn sendast innan fristen 7. januar 2026.