Folkemøte om ny kraftleidning mellom Stryn og Hornindal

Linja arbeidar med å auke kapasiteten i straumnettet i Nordfjord til 132 kV (kilovolt), noko som påverkar straumnett og transformatorstasjonar i regionen. 

I samband med høyringa av søknaden inviterer NVE til eit folkemøte i Stryn kommune. Målet er å informera om planane og opplysa om korleis folk kan sende inn fråsegner til søknaden. 

Dette søkjer Linja om 

På strekninga mellom Tomasgard transformatorstasjon i Hornindal og Geitskaret ønskjer Linja å bruke eksisterande trasé og eksisterande master. Vidare frå Geitskaret  og til Bø transformatorstasjon søkjer Linja om byggje ei ny leidning. Dagens leidning skal rivast når den nye er ferdigbygd.  

Linja søkjer samstundes om å byggje ein ny transformatorstasjon i Stryn, og gjere naudsynt spenningsoppgradering av transformatorstasjonane Drageset, Reed, Sandane og Tomasgard. Dei søkjer óg om å rive eksisterande 66 kV kraftleidning mellom Sandane og Øksenelvane transformatorstasjonar.  

Høyring og offentleg folkemøte 

NVE inviterer alle interesserte til eit offentleg folkemøte tysdag 21. oktober 2025 kl. 19.00 på Stryn VGS. På møtet vil NVE orientere om sakshandsaminga, medan Linja vil orientere om prosjektet. Alle er velkomne til møtet, og det vil vere moglegheit til å stille spørsmål om saka til Linja og NVE.  

NVE har sendt saka på offentleg høyring, og alle som har meiningar om saka kan gje uttale innan 12. november 2025. 

Fråsegner kan du sende via skjema for fråsegner som du finn på saka si nettside, via e-post til nve@nve.no eller i brev til NVE, Postboks 5091, Majorstuen, 0301 Oslo. 

Spørsmål om søknaden?  

Spørsmål om NVE si sakshandsaming kan du få ved å kontakte NVE v/ Anne Marte Schei, tlf. 22959887 eller e-post amas@nve.no.