UiT-forskning løftast fram på Island

Den årlege konferansen The Arctic Circle Assembly set søkjelys på strategiske vegval vi står overfor i Arktis. Den blir halden i Reykjavik, på Island, og samlar 2000 aktørar frå politikk, organisasjonsliv, forvaltning, og forskingssektoren og næringsliv frå meir enn 60 land.

16.-18. oktober skal ein delegasjon frå UiT til Reykjavik for å byggje bruer og dele kunnskap og erfaringar.

UiTs satsingsområde

UiT er ein aktør med ei sterk internasjonal forankring, som leverer forskingsbasert kunnskap til Arktis råd. Vi bidreg til også til at Noreg kan ha ei leiande rolle innan forsking på tryggleik, klima og miljø i Arktis.

På konferansen skal delegasjonen løfte fram følgjande satsingsområde:

• Etableringa av Senter for geopolitikk, fred og tryggleik (GPS)
• UiTs leiing av forskingsprogrammet Polhavet 2050
• Miljøovervåkingsprogrammet COAT
• Forskning på mattryggleik gjennom prosjektet Resilient North

Internasjonalt samarbeid i fokus

UiTs handlingsrom for kunnskapsbygging blir mogleggjort gjennom plattformer for internasjonalt og nordisk universitetssamarbeid som UArctic og The Arctic Six.

På konferansen kan du også få vite meir om korleis studentar og stipendiatar frå UiT bidreg til å utvikle løysingar for berekraftige samfunn saman med internasjonale partnarar.

Det skjer gjennom The Arctic Academy for Social and Environmental Leadership (ARCADE) og International Graduate Student Research Cohort (IGSRC).

Du kan følgje UiTs delegasjon på nettsidene våre og sosiale medium.

Her er ei oversikt over deltakarar i UiT-delegasjonen og programpostar kor UiT bidreg.

Les meir om programmet på The Arctic Circle Assembly her.