Løftar fram kulturmiljø frå bygder og byar og næringar og industri

Forslaga til bevaringsstrategiane for bygders og byars kulturmiljø og næringars og industriars kulturmiljø vart mandag levert til Klima- og miljødepartementet (KLD).  

Begge strategiane var på høyring fram til sommaren, og fekk 115 innspel. 

– Me fekk mange konstruktive innspel, som har vore svært nyttige i arbeidet med å omarbeida og sluttføra begge strategiforslaga, seier assisterande riksantikvar Audun Skeidsvoll.  

– Me har gjort nokre endringar etter høyringsrunden, som me meiner har styrkt strategiane. Riksantikvaren kjenner seg trygge på at strategiane vil bidra til å løfta innsatsen for å ta vare på sårbare kulturmiljø. Me er også glade for at det er brei støtte til kva begge strategiane skal bidra til, seier Skeidsvoll.  

Skal styrkje kulturmiljøa 

Desse bevaringsstrategiane skal styrkja og samordna innsatsen i samfunnet, slik at me kan ta vare på kulturmiljøa for framtida. 

Begge strategiane har ein felles struktur, med eitt hovudtema og underliggjande deltema. Desse deltemaa handlar om sentrale utviklingstrekk og kulturmiljøtypar som det er liten kunnskap om, eller der tapet er stort. 

Eit av temaa som Riksantikvaren foreslår skal løftast fram er den bevegelege kulturarven. Der er frivillig engasjement ein viktig ressurs.   

Mange høyringsinnspel har peika på at kunnskapen til dei frivillige er viktige for å vareta kulturarven. Riksantikvaren vonar at strategien bidra til at den viktige kompetansen i miljøa omkring dei bevegelege kulturminna blir vidareført og kjem fleire kulturminne til gode. 

Til vurdering hos KLD 

No skal KLD vurdera forslaga, og gjere eventuelle endringar, før strategiane er klare til å bli sett i verk.  

I arbeidet med begge bevaringsstrategiane har Riksantikvaren henta kunnskap og lagt til rette for medverknad. Bevaringsstrategiane som har vært på høyring, er baserte på denne prosessen. 

Medverknadsprosessen før høyringa har gjennom våren bestått av spørjeundersøkingar, ressursgruppemøter, digitale dialogmøter, konsultasjonar med Sametinget og samling med fylkeskommunanes og Sametingets leiarar for kulturarv.  

Riksantikvaren har utarbeidd forslaga på oppdrag frå KLD.     

Bevaringsstrategiane for kystens og landbrukets kulturmiljø vart vedteke 14. februar i år.