Brannøving i E39 Bogstunnelen

Tunnelen er under oppgradering og har normalt desse tidene for ledebil og stenging:

¤ Manuell dirigering klokka 18.00-22.50. Ledebil, ventetid pả om lag 20 minutt.

¤ Stengt 22.50-04.00. Gjennomkøyring frå nord klokka 01.50 og 03.50, og frå sør klokka 02.00 og 04.00.

I samband med øvinga vert det ei ekstra stenging klokka 19.00-20.00.

Det vil bli brukt røykmaskin under øvinga, for å simulera røyk etter bilbrann i tunnel. Etter øvinga kjem røyken ut av tunnelen i begge retningar. Røyken vil vera synleg, men er heilt ufarleg og vil forsvinna raskt.

Trygg tunnel

– Vi har forståing for at stengde tunnelar kan skapa utfordringar for trafikantane. Men då er det viktig å minna om at vi gjer dette nettopp for dei, som ein del av vårt kontinuerlege arbeid, kvar dag, heile året, med å halda tunnelane trygge, seier brannvernleiar Kjetil Larsen i Statens vegvesen.

Det er krav i tunnelsikkerheitsforskrifta og for tryggleiksgodkjenning at vegvesenet skal halda slike beredskapsøvingar.

Samfunnsberedskap

Statens vegvesen er en del av den totale samfunnsberedskapen. Å førebu seg på andre situasjonar enn kvardagen er ein sentral del av dette.

– Vegdrift handlar om konsekvens. Vi gjer derfor det vi kan for at stengingar, både akutte og planlagde, skal bli så korte som mogleg, legg Larsen til.

– Beredskapsøving i tunnelar er eit døme på ei planlagd og naudsynt stenging. Ved å øva saman med naudetatane drillar vi våre rutinar og sørger for at beredskapslinjene er best mogleg førebudde den dagen ein situasjon skulle inntreffa, avsluttar han.

Øvingar som denne er ein av viktig del av Statens vegvesens samfunnsoppdrag med å syta for eit effektivt, trygt og føreseieleg framkomeleg vegnett.

Dette er tunnelen

Den 3.482 meter lange Bogstunnelen på E39 ligg i Høyanger kommune i Vestland, på nordsida av Sognefjorden, ikkje langt frå Lavik ferjekai.

Tunnelen vart opna i 2004.

Han blir gjennomsnittleg trafikkert av 2.100 køyretøy i døgnet. Det er dette som vert kalla årsdøgntrafikk (ÅDT). Av dette er 21 prosent, eller 100, lange køyretøy (tungtrafikk).