Helsearbeidarar råka av nye tvangsflyttingar

Mellom 50.000 og 80.000 menneske som har flykta fleire gonger, er igjen blitt tvungne på flukt, ifølge FN.

Desse ordrane råkar også våre tilsette som bur i Deir Al Balah. I alt 36 kollegaer måtte brått forlate Al Mawasi-klinikken for å evakuera saman med familiane sine. Klinikken var då full av pasientar som var såra etter å ha prøvd å skaffa mat ved dei israelsk-amerikanske matutdelingane. 

Ei av dei viktigaste vassforsyningane for Sør-Gaza er også råka av ordrane frå israelske styrkar. Tankbilane kjem seg ikkje til anlegget for å fylla vatn, og det er fare for livet til dei som prøver å dela ut vatn. Desse vassanlegga og utdelinga av vatn er ei livline for innbyggarane i Gaza og må beskyttast. 

Ordrar om tvangsflytting kjem raskt og har spreidd seg frå nord til sør. Heile 87 prosent av Gazastripa er no rekna som ei militær sone, og to millionar palestinarar har dermed att mindre enn 13 prosent landområde å søke tilflukt på.