Godt over 5 millionar reisande i juni

Samla for alle Avinor sine lufthamner var det auke både innan- og utanlands samanlikna med juni i fjor. Så langt i år er auken 4 prosent.

2,8 millionar har reist innanlands i juni, det er ein auke på heile 6 prosent samanlikna med same månad i fjor.

2,2 passasjerar har reist utanlands i juni. Det er 3 prosent fleire enn i juni i fjor.

Her er nokre hovudtal, sjå fleire i vedlegga:

	Juni			Hittil i år
Lufthamn	2024	2025	Endring	2024	2025	Endring
Oslo	2 550 000	2 628 000	3 %	12 395 000	12 802 000	3 %
Bergen	621 000	655 000	5 %	3 074 000	3 116 000	1 %
Trondheim	381 000	393 000	3 %	1 976 000	2 045 000	3 %
Stavanger	379 000	385 000	1 %	1 920 000	1 923 000	0 %
DSL sum	3 930 000	4 061 000	3 %	19 366 000	19 886 000	3 %
Tromsø	194 000	216 000	11 %	1 240 000	1 444 000	16 %
DRL andre	737 000	809 000	10 %	3 715 000	3 982 000	7 %
DRL sum	931 000	1 025 000	10 %	4 955 000	5 427 000	10 %
Avinor sum	4 861 000	5 086 000	5 %	24 321 000	25 312 000	4 %

Flyrørsler

Det har vore 55.000 kommersielle flyrørsler i juni. Dette er ein liten auke (2 prosent) frå juni i fjor.

Høgsesong for droneflyging

I juni vart det meldt inn 3370 flygingar med drone i Ninox Drone, Avinor sitt system for handtering av dronar. 
– Hittil i år ser vi ein auke på nesten 30 prosent i talet på  innmelde droneplanar samanlikna med same periode i fjor. Det synar ein positiv trend hos droneoperatørar, og at fleire ser nytta av å bruke Ninox Drone som eit verktøy for trygg og sikker droneflyving. Sommaren er høgsesong for droneflyving i Noreg, med både fint vær og mykje turisme. Vi oppmodar alle som flyr drone om å nytte Ninox Drone, og setje seg godt inn i regelverket og forbodssoner rundt flyplassane, seier Mats Gjertsen leiar av Avinor sitt droneprogram.