Andreas Rotevatn med liveplate - Weather Report møter Odd Nordstoga

LYTT HER

“Rotevatns konsert er glede i sin aller reneste og mest potente form.Tenk at musikk kan være så leken og innfallsrik, så energisk, drivende og kødden, så smart og så dum! Musikken er pop, men ikke popete. Det er jazzete, men ikke jazz. Men hvem bryr seg egentlig om slike kategorier? Rotevatn er rett og slett grisebra musikk. Terningkast 6/6” 

Etter debut-konserten på Vill vill vest i november 2024, skreiv anmeldar Joakim Randa Bertelsen dette i Bergens tidende. No får òg dei som ikkje var på konserten sjansen til å høyre om Andreas Rotevatn live verkeleg er so bra.

På plata På Vestlandet (Live), får ein servert 6 låtar. Spor 2, 4 og 5 er frå den nemnte konserten i Bergen. Dei andre er frå konserten dagen etter på Nordfjordeid, Andreas Rotevatn si fødebygd. 

Med ein innhaldsrik festivalsommar i vente for Andreas Rotevatn og bandet, kjendest det naturleg å gje publikum ein forsmak på kva dei kan vente seg på ein konsert med dei. På turnéplakaten for 2025 står Mandaljazz, Bergtatt-festivalen, Moldejazz, Malakoff Rockfestival og Sommarljom.

Som Bertelsen er inne på i sin anmeldelse, er det ikkje nødvendigvis so enkelt å setje musikken til Rotevatn i bås. 5 høgt utdanna jazzmusikarar, som spelar poppa låtar med nynorsk tekst er jo ikkje noko ein høyrer kvar dag. Det elitistiske møter det tilgjengelege; bruksmusikk og kunstmusikk i ein og same konsert. Og som de ser, er det ei god blanding av pop/rock- og jazz-festivalar som har booka inn gjengen for sommaren.

Kanskje ein kunne trekke veksel på den velkjende jazzfusion-gruppa Weather report? Kor lange låtar med intrikat form og avansert samspel, fungerte foran tusenvis av mennesker. Musikarar som kunne å improvisere på ein måte som både var interessant og inviterande.

Men samstundes er det jo noko vise-aktig over musikken, med nynorske tekstar med inderleg og friskt språk. So ein Odd Nordstoga-fan vil òg kunne få noko ut av ein konsert med Rotevatn.

“Det å spele musikken live for første gong, var ei kjempeoppleving” seier Rotevatn. “Og særleg for eit stappfullt Landmark ved midnatt. Publikum og bandet stod saman på golvet, sikkert ikkje meir enn 1,5 meter frå kvarandre. Det skapte ei intens stemning, som eg syns ein kan merke på albumet!” 

Med seg i bandet, hadde Rotevatn nokon av dei dyktigaste instrumentalistane i den nyare generasjonen av musikarar:

• Sander Nordahl, gitar
• Martin Morland, bass
• Elias Tafjord, trommer
• Ragnhild Moan, vokal
  
  

“Desse musikarane går like naturleg inn i eit pop-band, som i fri-impro; i elektronika-prosjekt som i country; og i studio som live”, seier Andreas. “Dei er nøye kuratérte for å nettopp klare balansen mellom det intrikate og det tilgjengelege.”