Finansieringa av Fellesprosjektet Arna-Stanghelle er godkjent av Stortinget

– Å få tilslutning til finansieringa for Fellesprosjektet Arna-Stanghelle i Stortinget er eit viktig steg for å komme i gang – dette er eit prosjekt med stor betydning for å få en tryggare og raskare forbindelse mellom aust og vest i landet, seier samferdselsminister Jon-Ivar Nygård.  

Det er venta at den første store tunnelkontrakten for bygging av transport- og tilkomsttunnelar kan komme på plass og få anleggstart i løpet av 2026.  

Venta ferdig i 2039  

Kostnadsramma er 41,182 millionar i 2025-kroner, inkludert eit bompengebidrag på 4,215 millionar. Byggetida er anslått til 12-14 år, og hele vegstrekninga på E16 er venta opna i 2038, medan heile den dobbeltspora jernbanestrekninga er venta opna i 2039. 

Historisk milestolpe 

– Dette er ein stor dag for alle som har arbeidd for ny veg og bane mellom Arna og Stanghelle, seier utbyggingsdirektør i Statens vegvesen Kjell Inge Davik.   

Strekninga er svært utsett for skred på både veg og bane, og det har vore fleire alvorlege ulykker på E16 der mange liv har gått tapt. 

– Fellesprosjektet Arna-Stanghelle vil gje ein tryggare og meir føreseieleg kvardag for reisande på veg og bane, seier utbyggingsdirektør i Bane NOR, Bettina Sandvin.  

Dette skjer no 

Prosjektorganisasjonen har rigga seg og er klar for anleggsstart. Prosjektering av dei førebuande entreprisane er ferdig, og det er lagt fram anleggsstraum til dei framtidige anleggsområda. I mai i år starta arbeidet med å sikre dei framtidige anleggsområda. Ein stor rådgivingskontrakt for prosjektering av hovudentreprisane for veg og bane er og ute i marknaden, med frist 5. juni. 

Spesialutvikla løysingar 

Prosjektet inkluderer felles løysingar for rømming mellom veg og bane. Anleggstunnelar og sjakter skal brukast til anleggsarbeid og deponering av tunnelstein i Sørfjorden. 

Viktig strekning 

Nesten uansett kva veg ein køyrer mellom Bergen og Austlandet, vil trafikantar køyre langs denne strekninga. Person- og godstoga på Bergensbana er ein av landets viktigaste jernbanestrekningar for både person- og godstransport. Ny veg og bane mellom Arna og Stanghelle bidreg til ein tryggare og enklare reisekvardag for svært mange, og auka konkurranseevne for næringslivet.