Redd for å møte bjørn?

Då var det den tida på året der det kjem historier i små og store medium om menneske som ser bjørn. Informasjonsbehovet er stort, og Miljødirektoratet lanserer derfor no ei ny temaside om møtet mellom menneske og bjørn.  

Sjansen er låg   

Sjansen for å møte bjørn er alltid låg, men likevel blir det observert årleg fleire bjørnar nærte vegar og på jorder.   

Miljødirektoratet får årlege førespurnader frå både media og privatpersonar som lurer på korleis ein kan unngå å treffe bjørn, og kva ein bør gjere om ein først har møtt på ein.   

Derfor har vi utvikla ei ny nettside som kan vere til hjelp for deg som lurer på dette, eller som berre er nysgjerrig på å lære meir.  

Dei vanlegaste spørsmåla  

 På nettsida får du svar på alle dei vanlegaste spørsmåla Miljødirektoratet pleier å få om møte mellom menneske og bjørn. Nokre av spørsmåla er:  

• Kan bjørnemøte vere farleg for menneske?  

• Kor mange i Noreg har vorte skadde av bjørn dei siste åra?  

• Kvifor skjer slike møte.  

• Kva kan du gjere om du først treffer på ein?   

Du får også tips til korleis du kan unngå å møte bjørn og også annan nyttig informasjon om bjørnen og dens livsstil.  

Sjå den nye temasida her:

Hva gjør du hvis du møter en bjørn? - miljodirektoratet.no