Dá lea Dán jagi nuorra dáiddár 2025 Riddu Riđus

Baer lea sápmelaš duojár ja dáiddár, gean bargun lea loktet ovdan sámi kultuvrra ja historjjá ja gažaldagaid dan birra makkár sadji duojis lea boahtteáiggis dálkkádagas ja máilmmis mii lea rievdamin. Seammás go son berošta árbevieruid seailluheamis, de son suokkarda ođđa vugiid ja teknihkaid, mat leat relevánttat midjiide dál.  

Dán jagi nuorra dáiddár lea Riddu Riđu taleantaprográmma mii juohke jagi nammada nuorra sámi dáiddára čájehit iežas dáiddalašvuođa Riddu Riđđu festiválaprográmma bokte ja eará lágidemiin jagis main Riddu Riđđu lea miellágideaddjin. 

Baer lea gazzan oahpu maiddái Sámij Åhpadusguovdásj (Samernas Utbildningscentrum) duodjesuorggis duodji- ja tekstiila. Dál lohká nuppi jagi Duodje bacheloroahpus Guovdageainnus gos beassá ovdánahttit máhtuidis sihke duojis ja dáidagis. Dál son háliida ovdánit duojárin ja ovdánahttit iežas dáiddalašvuođa, ja maiddái guovdilastit duoji rolla dálkkádatrievdamis:  

-Go barggan dujiin jurddahan ollu ceavzilvuođa birra. Munnje lea dán oktavuođas sáhka das ahte oaidnit árvvu buot áššiin, divdna atnit, ođđasis atnit ja geavahit resurssaid buoremus lági mielde. Duodji oažžu mu jurdilit boahtteáiggi birra. Mu máhttu boahtá máŋggain buolvvain ja das lea vuođđu ávdnasiin maid eana ja boazu leat addán midjiide. Dál vásihat dálkkádatrievdamiid mat bággejit min jurddašit ođđaláhkaid, seammás go mii geahččalit doalahit iežamet árbbi mii midjiide lea dehálaš. Speanta lea oaidnit, mii son dál geavvá min dujiin? 

Olbmot besset juo dán jagi Riddu Riđus oahpásnuvvat eanet Dán jagi nuorra dáiddáriin. Baer buktá iežas duodjebuktagiid ja dáiddalaš herskkuid Riddu-gieddái ja dáiddárságastallama bokte besset geahččit čiekŋudit nieguide duoji ja dáidaga birra.  

Sajje Solbakk, festivála hoavda, illuda ođđa nammadeami geažil:  

-ElleMina lea gelddolaš ja hutkkás dáiddárjietna Sámis. Duojárin sus leat erenoamáš jurdagat ceavzilvuođa birra ja hutká innovatiiva čovdosiid go dálkkádatrievdamat gáržžidit makkár ávdnasat leat fitnemis. Sus lea maiddái duodjeoahppu Sámij Åhpadusguovdátjis mii lea buorre veahkkin go dál galgá ovdanbuktit dáiddalaš prošeavtta Riddu Riđus. Mii illudit čuovvut su dáiddalaš ovdáneami boahttevaš jagi! 

ElleMina Kuoljok Baer lea dán jagi nuorra dáiddár Riddu Riđđu festiválas, suoidnemánu 9. - 13.b. 2025.