Northern Cree Riddu Riđđui 2025:s

Northern Cree, mii maid beaggá Northern Cree Singersin, lea dovddus namma ja sii leat duođaid čájehan attáldagaideaset kanadalaš ja riikkaidgaskasaš lávddis.    

Joavkku álggahedje 1982:s Wood-vieljažagat – Steve, Randy, Charlie ja Earl – Saddle Lake Cree Nationis eret Maskwacisis, Albertas, ja sii ráhkadit musihka eamiálbmotárbevieruid vuođul. Sii leat ráhkadan badjel 35 álbuma ja olles ovcci geardde nammaduvvon Grammy-bálkkašupmái. 

Northern Cree lea ovttasbargan ollu beakkálmasaiguin, nugo joavkkuiguin The Halluci Nation, M.I.A ja Santigold.  

Sajje Solbakk, festiválajođiheaddji, illuda go joavku lea boahtime: 

• Viimmat, Northern Cree Riddu-guolbanis! Dán joavkku leat ollu jagiid niegadan oažžut deike. Viimmat dáhpáhuvvá, ja lean vissis ahte sin boddu min lávdde nalde šaddá áibbas erenoamáš, dás gos dat áibmadas várit leat duogážin ja máilmmi buoremus guldaleaddjit oainnusin.   

Riddu Riđđu almmuhii skábmamánus ahte nêhiyawak, mii maiddái guoddá Cree-nama, loktejuvvo dán jagi davviálbmogin 2025:s. Guossit besset vásihit Northern Cree Riddu Riđđu festiválas suoidnemánu 9.-13.b. 2025, Olmmáivákkis Gáivuonas.