Statens vegvesen overtek ansvaret for Rv. 13 mellom Vinje og Sogndal

Statens vegvesen har lang erfaring og spisskompetanse med drift og vedlikehald av høgfjellsovergangar, særleg knytt til vinterdrift. Strekninga Vinje-Sogndal går mellom anna over den svært krevjande fjellovergangen Vikafjellet.

– Vegvesenet kan dra nytte av personell, kompetanse, maskiner og vinterdrift frå liknande fjellovergangar, som til dømes riksveg 7 over Hardangervidda, riksveg 52 over Hemsedalsfjellet, og E16 Filefjell. Desse vegane er samstundes omkøyringsvegar for kvarandre. Derfor meiner eg det er riktig å samle ansvaret for drift og vedlikehald av heile vegsystemet hos ein aktør, seier Nygård.

Statens vegvesen har også ansvaret for riksvegferjesambandet riksveg 13 Vangsnes-Hella-Dragsvik og ferjekaier og oppstillingsareal knytt til dette.

Bakgrunn

Riksveg 13 går mellom Stavanger og Sogndal, og er ei viktig strekning som bind saman indre del av Vestlandet fylke. Nye Veier overtok ansvaret for den nordlege delen, mellom Skare og Sogndal, som ein del av Nasjonal transportplan 2022-2033. Formålet var å teste ut Nye Veier-modellen på denne typen strekning – ein veg med lite trafikk og med utfordringar knytt til ras og skred.

Stortinget har i behandlinga av ny Nasjonal transportplan (2025-2036) vist til lokale initiativ for å få flytta delstrekninga riksveg 13 Vinje-Sogndal over til Vegvesenet.

Samferdselsdepartementet har fått fagleg vurdering frå dei to vegaktørane, og dei er begge er skikka til å gjere ein god jobb med å vidareutvikle riksveg 13 Vinje-Sogndal. Overføringa er eit resultat av ein heilskapleg vurdering av erfaring og spisskompetanse knytt til drift, vedlikehald og vinterdrift av høgfjellsovergangar, og for å få samla dette hos éin aktør. Nye Veier skal fortsette med ansvaret for strekninga riksveg 13 Skare-Vinje.