Vil du bli Kystverket sin nye leigetakar på Hellisøy fyr?
Brenn du for kystkultur? Har du ein god idé til aktivitetar på eit fyr, som samstundes gjer det tilgjengeleg for folk? Ettersom avtalen med Fedje kommune går ut ved årsskiftet, søker Kystverket no etter ein ny leigetakar for Hellisøy fyrstasjon. Som leigetakar må du gjere fyrstasjonen tilgjengeleg for ålmenta, formidle kystkultur og halde fyrstasjonen godt ved like.

Hellisøy fyr er ei perle heilt sørvest på øykommunen Fedje i Vestland fylke. Det 33 meter høge støypejernfyret vart bygd i 1855. Fyret vart automatisert i 1989, men fyrstasjonen var bemanna fram til 1992 på grunn av meteorologiske observasjonar. Dei siste åra har lokale aktørar sørgt for at fyret har vore eit besøksfyr, med overnattingstilbod i den tidlegare fyrvaktarbustaden.
– Kystverket er ein av dei største statlege grunneigarane langs kysten. Vi ønsker at kulturarven vår vert tatt vare på som ein bruksressurs og at den skal vere grunnlag for kunnskap, opplevingar og verdiskaping. I fleire år har vi difor bidratt til å opne fyrstasjonane for ålmenta ved å legge til rette for "vern gjennom bruk", i tråd med Stortingsproposisjon nr. 29 (2006–2007), seier avdelingsleiar Trond Røren.
Av dei 115 fyrstasjonane som Kystverket eig, er om lag 80 leigd ut til eksterne aktørar som med sine aktivitetar gjer dei tilgjengelege for ålmenta, til dømes ved å tilby overnatting og kulturbasert næringsutvikling.
Prioritering av frivillige organisasjonar
Fedje kommune har hatt leigeavtale for fyrstasjonen med Kystverket, og ein kommersiell aktør har drifta staden og gjort den tilgjengeleg for publikum. Kystverket og Fedje kommune er no samde om å ikkje forlenge leigeforholdet når det går ut ved årsskiftet, slik at neste leigetakar vil inngå avtale direkte med Kystverket.
– Kystverket må følge dei overordna føringane for utleige av fyrstasjonar som inneber at ideelle eller frivillige organisasjonar med allmennyttige føremål normalt skal prioriterast framfor kommersielle aktørar. Vi set krav uansett om at leigetakaren må vere seriøs og ha eit godt og berekraftig driftskonsept som innfrir krava våre om å gjere fyrstasjonen tilgjengeleg for ålmenta, og som også oppfyller kravet om formidling av kystkultur og vedlikehald. Dersom vi konkluderer med at ein kommersiell aktør har eit betydeleg betre driftskonsept enn ein frivillig organisasjon, kan vi vurdere å velje den kommersielle aktøren, forklarer seksjonsleiar Tatjana Eriksen.
Restriksjonar
Hellisøy fyrstasjon er freda av Riksantikvaren, noko som set visse avgrensingar på kva som kan gjerast og korleis.
– Vi oppmodar interesserte om å sette seg inn i forvaltingsplanen for fyret, der ein finn mykje nyttig informasjon om fredinga og eigedomen. På Hellisøy fyr er det opna for at ein kan ha omvising i tårnet på visse vilkår, fortel seniorrådgivar Siv Senneset.
– Har du ein god idé om eit driftskonsept med aktivitet som gjer ein fyrstasjon tilgjengeleg for folk, så er det ikkje mange slike moglegheiter som dukkar opp. Så her må ein ta sats når sjansen er her, avsluttar Røren.
På Kystverket sine nettsider (www.kystverket.no/hellisoyfyr) finn du forvaltingsplan, standard leigeavtale og anna relevant informasjon for deg som ønskjer å søke om leigeavtale for Hellisøy fyrstasjon.
Nøkkelord
Lenker
Om Kystverket
Kystverket er ein nasjonal etat for kystforvalting, sjøsikkerheit og beredskap mot akutt forureining. Kystverket arbeider aktivt for ein effektiv og sikker sjøtransport gjennom å ivareta transportnæringas behov for framkome og effektive hamner. Kystverket driv førebyggande arbeid og reduserer skadeeffektane ved akutt forureining, og medverkar til ein bærekraftig utvikling av kystsona. Kystverket ligg under Nærings- og fiskeridepartementet.
Følg pressemeldinger fra Kystverket
Registrer deg med din e-postadresse under for å få de nyeste sakene fra Kystverket på e-post fortløpende. Du kan melde deg av når som helst.
Siste pressemeldinger fra Kystverket
Status 2025: Kampen om arealet – sameksistens mellom havvind og skipsfart13.8.2025 10:00:00 CEST | Pressemelding
Det satses på vindkraft til havs i verden. I Norge har regjeringen en strategi om å bli en ledende nasjon innenfor havvind, med en industri som utvikler og bygger vindkraftløsninger i toppklasse.
Status 2025: Næringslivets transportbehov12.8.2025 10:00:00 CEST | Pressemelding
For næringslivet er pålitelig, effektiv og bærekraftig transport avgjørende for å sikre konkurransekraft i en tid der utslippskrav skjerpes og grønne løsninger etterspørres. Likevel møter sjøtransporten fortsatt betydelige barrierer – ikke minst informasjonsmangel, manglende fleksibilitet og lav betalingsvilje for grønne løsninger. For å fremme sjøtransporten som en attraktiv transportform til et konkurransedyktig næringsliv, må både næringen og myndighetene ta grep.
Status 2025: Verdikartlegging av norske hamner etter sikkerheitslova11.8.2025 10:00:00 CEST | Pressemelding
Kystverket gjennomfører, på oppdrag frå Nærings- og fiskeridepartementet, verdikartlegging av enkelte norske hamner. Dette gjer vi for å gje departementet tilstrekkeleg grunnlag for å vurdere om det finst skjermingsverdige verdiar med eit særskilt vernebehov i hamnene.
Kystverket avlyser anbudskonkurransen for Kjøllefjord fiskerihavn – nytt arbeid i gang3.7.2025 15:29:46 CEST | Pressemelding
Kystverket har besluttet å avlyse konkurransen om utbyggingstiltaket Innseiling Kjøllefjord Fiskerihavn i Lebesby kommune i Finnmark, etter at de mottatte tilbudene lå vesentlig over prosjektets kostnadsramme.
Status 2025 tek for seg sjøtransporten i ei tid med raske endringar30.6.2025 13:20:22 CEST | Pressemelding
Kystverket har publisert Status 2025 – ei ny samling artiklar som gir fagleg innsikt i korleis sjøtransporten utviklar seg i møtet med nye krav, større kompleksitet og meir uforutsigbare tider.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom