No må du bestille time på trafikkstasjonen

Du bestiller time på vegvesen.no.

Med timebestilling får du raskare hjelp og kan planleggje besøket på trafikkstasjonen. Du slepp kø og vi er betre førebudd til å hjelpe deg når du kjem.

Gjer det sjølv

– Kundane våre kan løyse det aller meste sjølv på vegvesen.no. Vi må møte kundane der dei er, og stadig fleire kundar kontaktar oss i andre kanalar enn fysisk oppmøte, som til dømes via din side, chat eller direkte kontakt med saksbehandlar via epost, seier avdelingsdirektør Lill Tove Amundsen.

Vi hjelper deg om du står fast

Viss du møter opp utan å ha bestilt time, får du informasjon om korleis du kan bestille time, eller hjelp til å bestille time, viss du treng det.

Du treng vanlegvis berre å dra på trafikkstasjonen viss du skal ta teoriprøve eller oppkøyring, skal ha bilen på kontroll hos oss i hallen, du må ta nytt bilete eller signatur til førarkortet, eller viss du ikkje kan vente på å få skilt eller prøveskilt i posten.