Dansbart og jazza - Prins Thomas gjer remix av Andreas Rotevatn si låt "Mamma & pappa"

LYTT HER

Etter Andreas Rotevatn slapp sitt fyrste soloalbum - "Av daude gror" - like før sommaren, mottok han mykje positiv oppmerksomhet. Nå er han snart Vill Vill Vest-aktuell. Tor Hammerø i Nettavisen skreiv i sin anmeldelse: "Det groover og svetter uten stans og jeg tror han har muligheten til å snakke til et ganske så stort publikum med dette brygget. Det er absolutt mulighet for at avanserte danseføtter også vil bli frista til eksesser underveis her."

Nå tek den legendariske dj-en Prins Thomas det allereie dansbare materialet i enda meir dansbar retning. I dag kjem remixen hans av låta "Mamma & pappa”. Andreas Rotevatn fortel: 

- Det var stor stas at Prins Thomas ville remixe musikken min. Han er jo ein av dei store elektronika-pionérane i Noreg, og har vore ei inspirasjonskjelde lenge. So det var med ærefrykt eg kontakta han! Det tok noko tid før eg fekk svar. So eg vart desto meir glad då eg fekk eit veldig hyggeleg og ektefølt svar tilbake. Han hadde tydelegvis tatt seg god tid til å lytte på plata mi, og sjå for seg korleis låtane kunne fungere i ny drakt. So han skreiv at han rett og slett ville prøve seg på heile tre (!) remixar!

Prins Thomas set tydelig sitt særpreg på låtane, og Rotevatn måtte smile godt fyrste gong han høyrde låtane sine i ny elektronisk-drakt. Andreas held fram: 

- Det er ei underleg kjensle, å høyre musikk ein kjenner so godt, men gjennom dei kreative slusene til nokon andre. Og med ein so dyktig kar som Prins Thomas, får ein jo tilsendt remixar som ikkje berre har høg kreativ verdi, men som òg lét bra med tanke på mix! Låtane mine hentar mykje inspirasjon frå dansemusikk - kva gjeld harmonikk, dramaturgi og lydbilete. Og når då Prins Thomas lagar reinspikka danselåtar av dei, med eit tydeleg gjennomført varmt elektronisk lydbilete, får dei ein ny dimensjon. I tillegg kan dei fungere betre til eit dansegolv, og kanskje nå ut til lyttarar som vanlegvis ikkje ville høyrt plata mi!

Andreas Rotevatn er på mange måtar ein kløyvd musikar, som jamvel stend stødig i det todelte. På den eine sida har han ein bygdeoppvekst på Nordfjordeid, og på den andre over 10 år som kunstnar i storbyen. Rotevatn nærer ein kjærleik for bruksmusikk og det dansbare, trass i ei omfattande utdanning på fleire eliteskular for musikk. Han er ein spellemannsnominert og prisvinnande komponist, som jamvel òg har brei apell og gode strøymetal. Rotevatn er tekstleg inspirert av fortida, gjennom Håvamål, Ivar Aasen og Bibelen, men samstundes vert han inspirert av moderne og lydar frå synthar og trommemaskiner. Det akustiske og improviserte, møter det elektriske og planlagde. Einkvan stad i midten, i symbiosa, der trivast Rotevatn best! 

Prins Thomas har jobba som produsent, DJ og remixar i fleire tiår. Han er spellemannsnominert fleire gongar og har millionar av strøymingar på Spotify. Han var ein av grunnleggjarane bak Oslo-discoen, eller space-discoen, som fekk undergrunnen til å koke på tidleg 2000-tal. Saman med Hans-Peter Lindstrøm og Todd Terje blanda dei saman discorytmer, nyare trommemaskiner, eldre synthar og effekter, i ei herleg eklektisk elektroakustisk dansbar blanding.