UiT i verdstoppen på open publisering
UiT kjem på 6.-plass i verda i ny rangering, og leier med det an i open publisering i Noreg og Norden.
– Dette er verkeleg ei fjør i hatten!
Det seier bibliotekdirektør ved UiT, Johanne Raade, om at UiT nyleg blei rangert på 6.-plass i open publisering i CWTS Leiden Ranking Open Edition 2024.
– UiT har over år arbeidd medvite med open vitskap. At vi no har komme så høgt på denne lista, er fruktene av langsiktig arbeid, seier Raade.
Prorektor for forsking og utvikling ved UiT, Jan-Gunnar Winther, stemmer i:
– Å gjere vår kunnskapsproduksjon tilgjengeleg, har vore eit prioritert område for UiT. At vi no er verdsleiande på Open Access, er ikkje anna enn imponerande!
Rangeringa blei publisert 9. oktober, og rangerer over 1500 universitet verda over etter kor stor grad av open publisering – Open Access – dei har mellom 2019 og 2022.
Med 91,4 prosent opne publikasjonar, er det altså berre fem universitet i verda som har større andel av publikasjonane sine fritt tilgjengeleg for allmennheita.
Sjetteplassen gjer dessutan UiT til universitetet som er fremst i heile Norden på open publisering.
UiT har open publisering som prinsipp
Open Access inneber at allmennheita får gratis, digital tilgang til vitskapelege publikasjonar, til dømes ved at forskarar publiserer forskinga si i opne tidsskrift.
Det er ikkje første gong UiT utmerker seg på tilgjengelege forskingsartiklar. Allereie i 2016 var UiT blant institusjonane i Noreg som publiserte mest, med 42 prosent opent publisert.
UiT har i ei årrekke hatt eit mål om å vere leiande innan open vitskap og open tilgang. Vitskapelege publikasjonar skal som prinsipp gjerast tilgjengeleg anten i publiseringskanalar med open tilgang, eller i det opne vitenarkivet Munin.
Og er ein på 6.-plass, er ein leiande. Det meiner Jan Erik Frantsvåg, Open Access-rådgivar ved Universitetsbiblioteket.
– Å komme så høgt på ei internasjonal rangering av universitet, er eit klart bevis på at arbeidet har gitt synlege resultat. Det er også med på å synleggjere UiT internasjonalt, seier Frantsvåg.
– UiT har i rundt 25 år hatt ein stadig aukande aktivitet på området open tilgang, med kvart også open vitskap, med aktivitetar lokalt, nasjonalt og internasjonalt, held han fram.
Eit døme er den årlege Munin-konferansen om vitskapeleg publisering, som 26. november arrangerast for 19. gong, med deltakarar frå 23 land.
Resultat av medvitent arbeid og godt samarbeid
I 2017 hadde regjeringa eit uttalt mål om at alle norske vitskapelege artiklar finansiert av offentlege midlar skal vere opent tilgjengeleg innan 2024.
Med den ferske rangeringa i open publisering, må UiT kunne seiast å vere langt på veg.
– Eit godt samarbeid mellom forskarar, forskingsadministrasjon og Universitetsbiblioteket gjer at vi no er nummer seks i verda, slår bibliotekdirektør Raade fast.
– Både forskarar og leiing har sett viktigheita av open og delt forsking. Universitetsbiblioteket har mange dyktige og innovative tilsette som har arbeidd med dette over år.
Se hele lista og bakgrunnen for rangeringane her: CWTS Leiden Ranking Open Edition - Ranking 2024
Nøkkelord
Kontakter
Jan-Gunnar WintherUiT Noregs arktiske universitet
Tel:90784874jan-gunnar.winther@uit.noVilde Øines Nybakken
vilde.o.nybakken@uit.noBilder
UiT Noregs arktiske universitet
UiT Noregs arktiske universitet er eit breddeuniversitet med elleve studiestader over heile Nord-Noreg. Vi har 4000 tilsette og 17 000 studentar. Vår visjon er å skape eit nasjonalt og internasjonalt kraftsenter for kompetanse, vekst og nyskaping i nordområda.
Følg pressemeldinger fra UiT Norges arktiske universitet
Registrer deg med din e-postadresse under for å få de nyeste sakene fra UiT Norges arktiske universitet på e-post fortløpende. Du kan melde deg av når som helst.
Siste pressemeldinger fra UiT Norges arktiske universitet
Nytt Ottar: Allemannsrettens omstridte natur18.10.2024 09:26:52 CEST | Pressemelding
Allemannsretten har en sterk posisjon i befolkningen. Likevel er retten under press. Den nyeste utgaven av Ottar gir noen perspektiver på hvorfor.
Ny utstilling: Lyder fra arkivet – fuglesang fra Nord-Norge15.10.2024 07:50:00 CEST | Pressemelding
Torsdag 18. oktober åpner ei ny utstilling på Norges arktiske universitetsmuseum. Utstillinga tar utgangspunkt i en serie kassetter med fuglelyder som ble gitt ut på åtti- og nittitallet, men den utforsker også hva et museum er og skal være.
Presseinvitasjon: Lanserer nytt opplæringsprogram9.10.2024 11:18:07 CEST | Presseinvitasjon
Fredag lanseres et nytt digitalt opplæringsprogram for sjømatbedrifter som har studenter i praksis.
Kan skoleelever oppdage nye arter i havet?8.10.2024 10:58:48 CEST | Presseinvitasjon
Torsdag denne uka besøker elever fra Tromsø international school UiT i Tromsø for å være med på en stor workshop. De skal se om de finner nye arter fra Barentshavet som ble hentet inn på Ocean Census-toktet i sommer.
Elever blir forskere!7.10.2024 14:25:15 CEST | Presseinvitasjon
Realfag- og idrettslever fra Tromsdalen vgs kommer til UiT for å gjennomføre sitt eget forskningsprosjekt tirsdag 8/10 kl. 12–15.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom