Påminning til arbeidsgivarar: Hugs at arbeidsavtalar skal oppfylle dei nye lovkrava
1. juli kom det nye krav til kva opplysningar arbeidsavtalar skal innehalde. Arbeidstilsynet minner om at alle arbeidsgivarar må setje seg inn endringane før dei utformar og inngår arbeidsavtalar.
Sidan i sommar har det vore krav om at fleire opplysningar enn tidlegare skal inn i alle nye arbeidsavtalar. Avtalane skal også vere på plass tidlegare enn før. Endringane skal bidra til tydelegare og meir føreseielege arbeidsvilkår.
Les om krava til arbeidsavtalar på arbeidstilsynet.no
– Mange som ikkje har fått det med seg
– Basert på samtalar med dei som kontaktar Arbeidstilsynets svarteneste, har vi grunn til å tru at ein god del verksemder ikkje har fått det med seg dei nye krava, og dermed inngår mangelfulle arbeidsavtalar med nytilsette, seier Vigleik M. Aas i Arbeidstilsynets svarteneste.
– Mange som kontaktar oss, er ikkje klare over at arbeidsavtalane deira manglar lovpålagd informasjon, men det finn vi fort ut når vi snakkar med dei.
Slår ofte ned på mangelfulle avtalar
Ved tilsyn er manglar ved arbeidsavtalar noko av det Arbeidstilsynet gir flest pålegg for.
– Her skortar det dessverre på kunnskap hos mange. Ikkje berre om dei nye krava som kom i sommar, men også generelt om krava til innhaldet i arbeidsavtalar, fortel seksjonsleiar Cathrine Prahl Reusch ved nasjonal seksjon arbeidslivskriminalitet i Arbeidstilsynet.
– Dette er eitt av kontrollpunkta vi avdekkjer flest brot på når vi gjer tilsyn med arbeidsvilkåra i verksemdene. Her finn vi manglande eller mangelfulle arbeidsavtalar i 43 prosent av tilsyna.
Arbeidstilsynet kan gi overtredingsgebyr ved manglande arbeidsavtale og i tilfelle der arbeidsavtalen er veldig mangelfull.
– Arbeidsavtalen er viktig fordi den utgjer sjølve fundamentet i arbeidsforholdet. Avtalen regulerer når og kvar arbeidstakaren skal jobbe og kor mykje arbeidstakaren skal tene, seier Prahl Reusch.
Dette må arbeidsgivar opplyse om
Kravet om å ha med fleire opplysningar enn før, gjeld for alle arbeidsavtalar som er inngått sidan 1. juli 2024. Det er ikkje krav om at avtalar som er inngått før den tid, skal oppdaterast. Dersom arbeidstakar likevel ber om å få inn nye opplysningar i den eksisterande arbeidsavtalen, skal arbeidsgivar gjere det.
Dette er nokre av opplysningane som skal inn i arbeidsavtalar frå 1. juli, i tillegg til krava som var der frå før:
Arbeidsavtalen må opplyse om
- arbeidstakaren fritt kan bestemme arbeidsstaden sin
- lengda på eventuell prøvetid ved når tilsettinga ikkje er fast, men tidsavgrensa
- framgangsmåten ved oppseiing
- kva som inngår i lønna
- stillinga har varierande eller periodevis arbeidstid
- ordningar for vaktendringar og overtid
- identiteten til innleigaren, dersom arbeidstakaren blir leigd ut
- eventuell rett til kompetanseheving
- ytingar til sosial tryggleik som arbeidsgivaren betaler for
Maks sju dagar etter oppstart
Frå 1. juli skal skriftlege arbeidsavtalar vere på plass seinast sju dagar etter første arbeidsdag dersom arbeidsforholdet varer i meir enn éin månad. Dersom det er mogleg å få arbeidsavtalen klar tidlegare, skal arbeidsgivar sørge for det. Tidlegare har fristen for arbeidsavtalen vore éin månad etter første arbeidsdag.
Nøkkelord
Kontakter
Trine AaenKommunikasjonsrådgiver
Tel:97640370trine.aaen@arbeidstilsynet.noOm Arbeidstilsynet
Arbeidstilsynet er en statlig etat, underlagt Arbeids- og inkluderingsdepartementet. Etatens hovedoppgave er å føre tilsyn med at virksomhetene følger arbeidsmiljølovens krav.
Følg pressemeldinger fra Arbeidstilsynet
Registrer deg med din e-postadresse under for å få de nyeste sakene fra Arbeidstilsynet på e-post fortløpende. Du kan melde deg av når som helst.
Siste pressemeldinger fra Arbeidstilsynet
Arbeidstilsynets nye direktør er på plass1.10.2024 10:58:56 CEST | Pressemelding
Ingvill Kvernmo begynner i dag, 1. oktober, i jobben som direktør for Arbeidstilsynet.
Arbeidstilsynets siste sjekk i norsk gruve på Svalbard27.9.2024 08:12:15 CEST | Pressemelding
Ras, eksplosjoner, støv og store maskiner, i mørke og trange arbeidsforhold. Det har vært hverdagen for gruvearbeidere opp gjennom årene. – Vi ser heldigvis en helt annen sikkerhetskultur i dag enn for noen tiår siden.
Arbeidstilsyn fra 60 land samlet i Trondheim for å dele erfaringer24.9.2024 14:49:04 CEST | Pressemelding
Trepartssamarbeid, klimaendringer, sosial rettferdighet og nye teknologiers innvirkning på arbeidslivet står på agendaen når Arbeidstilsyn fra hele verden er samlet i Trondheim.
Når Arbeidstilsynet kommer uanmeldt20.9.2024 14:10:58 CEST | Pressemelding
Arbeidstilsynet kontrollerer hvert år over 10 000 virksomheter i Norge. Der sjekker vi blant annet at folk ikke jobber under farlige forhold, får det de har krav på og at arbeidsmiljøet er bra. Men hvordan foregår det i praksis?
Hva har Arbeidstilsynet gjort så langt i år?9.9.2024 14:28:07 CEST | Pressemelding
Hvor mange tilsyn har vi gjennomført? Hvor mange overtredelsesgebyr har vi utstedt? Og hvor mange meldinger om kritikkverdige forhold har vi mottatt? Dette er eksempler på spørsmål du kan få svar på i Arbeidstilsynets nye rapportserie Fremdrift.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom