Statnett får løyve til å byggje Øygarden transformatorstasjon utanfor Bergen
Noregs vassdrags- og energidirektorat (NVE) har gitt Statnett SF løyve til å byggje ein ny transformatorstasjon i Øygarden kommune. BKK AS får samtidig løyve til å byggje Øygarden koplingsstasjon. Utbygginga er viktig for straumforsyninga inn mot Bergensregionen.

– På grunn av forventningar om auka kraftforbruk i Bergen og omland er det viktig å forsterke transmisjonsnettet inn mot Bergensregionen. Det er utgangspunktet for at Statnett og BKK får løyve til å byggje ny transformatorstasjon og koplingsstasjon, seier Ingrid Myrtveit, seksjonssjef i NVE.
Statnett har fått løyve til å byggje ny 420 kV transformatorstasjon ettersom Kollsnes transformatorstasjon på Øygarden ikkje kan oppgraderast til dette spenningsnivået.
Slik blir det nye anlegget
Øygarden transformatorstasjon og Øygarden koplingsstasjon skal byggjast inntil kvarandre, avgrensa med eit felles stasjonsgjerde. Stasjonane blir bygde like nord-aust for dagens Kollsnes transformatorstasjon. Det totale stasjonsområdet utgjer om lag 80 000 m 2. Statnetts stasjonsbygning vil få ei grunnflate på ca. 5 300 m 2, og høgda blir rundt 22 meter.
Kraftleidningane til Statnett og BKK må leggjast om inn til den nye stasjonen, og vil krysse Osundet på nye master. Tiltaket vil medføre beslag av eit stort område med den prioriterte naturtypen kystlynghei.
NVE gir Statnett løyve til ekspropriasjon av eigedomsrett og ekspropriasjon av bruksrett for nødvendig grunn og tilkomme for å kunne gjennomføre utbygginga.
NVE stiller krav til anleggsarbeidet
– For å minimere verknadene for natur og samfunn har vi stilt krav om at Statnett og BKK utarbeider ein felles detaljplan, som beskriv korleis anleggsarbeidet skal gjennomførast, seier Myrtveit.
Mellom anna skal anleggsarbeidet planleggjast slik at verknader for både naboar, naturmangfald, friluftsliv og kulturminne reduserast. Naboar skal varslast i forkant av det mest støyande anleggsarbeidet. Støyande aktivitet skal og tilpassast hekkeperioden til trua artar av fugl. Master skal plasserast slik at dei ikkje er til hinder for klatrefeltet i området, og blir plassert der dei ikkje gir direkte inngrep i registrerte kulturminne.
Detaljplanen skal beskrive korleis kystlynghei kan tilbakeførast etter avslutta anleggsarbeid, og kva slags moglegheiter eller eventuelle avgrensingar som vil gjelde for skjøtsel av naturtypen i driftsfasen. Detaljplanen skal godkjennast av NVE før anleggsstart.
Nøkkelord
Kontakter
Ingrid MyrtveitSeksjonssjef
Tel:95 17 27 25inmy@nve.noBilder

Lenker
Om oss
Noregs vassdrags- og energidirektorat (NVE) har ansvar for å forvalte Noregs vatn- og energiressursar. NVE varetek også dei statlege forvaltningsoppgåvene innan skredførebygging. NVE skal sikre ei heilskapleg og miljøvennleg forvaltning av vassdraga, fremje ei effektiv kraftomsetning, kostnadseffektive energisystem og hjelpe til ein effektiv energibruk.
Følg pressemeldinger fra Norges vassdrags- og energidirektorat (NVE)
Registrer deg med din e-postadresse under for å få de nyeste sakene fra Norges vassdrags- og energidirektorat (NVE) på e-post fortløpende. Du kan melde deg av når som helst.
Siste pressemeldinger fra Norges vassdrags- og energidirektorat (NVE)
NVE gir løyve til å bygge vasskraftverk i Sunnfjord13.6.2025 14:38:53 CEST | Pressemelding
Bergselva Bygstad kraft AS har fått konsesjon til å bygge Bergselva kraftverk i Sunnfjord kommune i Vestland. Kraftverket vil gi ein årleg produksjon på 6,2 GWh, som svarar til straumforbruket til om lag 310 husstandar. NVE har stilt vilkår for å redusere dei negative konsekvensane for friluftslivet og naturmangfaldet i området.
NVE vurderer at Nye Tussa kraftverk ikkje krev ny konsesjon13.6.2025 14:00:00 CEST | Pressemelding
Tussa Energi AS har bedt NVE om å vurdere konsesjonsplikt for å bygge Nye Tussa kraftverk. NVE meiner tiltaket ikkje vil føre til nye ulemper eller skader for allmenne interesser av eit slikt omfang at tiltaket krev ny konsesjon.
NVE anbefaler nye vilkår for reguleringa av Storevatn i Sykkylven kommune13.6.2025 12:01:00 CEST | Pressemelding
For å sikre sjøauren og legge forhalda til rette for å restaurere laksebestanden i vassdraget, tilrår NVE vilkår for å sikre minstevassføring i vassdraget. Dei nye krava vil ikkje påverke kraftproduksjonen, men kan endre tidspunktet for produksjonen noko.
NVE sikrer Norge mot naturfarer - se kart, bilder og tiltak fra hele landet10.6.2025 09:50:36 CEST | Pressemelding
Hvordan beskytter vi i NVE norske lokalsamfunn mot flom, skred og andre naturfarer? Nå kan du selv utforske hva som er gjort av sikringstiltak i 2024 – fra Svalbard i nord til Vennesla i sør.
Lanserer digitalt søknadsskjema for områdekonsesjoner5.6.2025 12:25:18 CEST | Pressemelding
Nå kan søknader om områdekonsesjoner sendes inn digitalt. Det gjør det enklere for nettselskapene å levere gode konsesjonssøknader til NVE, via Min Side.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom