Fem millioner kroner til forsking på medier og dataspill

Forskarar, journalistar, masterstudentar eller andre med gode forskingsprosjekt kan søke om midlar når Medietilsynet skal fordele om lag 5,2 millionar kroner til medieforsking. Forskinga skal vere praktisk orientert og skal kunne brukast i mediekvardagen.  

Søknadsfristen i år er 18. oktober, og pengane blir fordelte på nyåret. 

Forsking på mediemangfald og kritisk medieforståing er prioritert 

Midlane går til forskings- og utviklingsarbeid knytt til media og mediebruk, og prosjekta skal ha både ein teoretisk og praktisk nytteverdi. 

– Forsking innanfor mediemangfald, kritisk medieforståing og dataspel blir prioritert, seier avdelingsdirektør Hanne Sekkelsten i Medietilsynet. 

Medietilsynet påpeikar at mediemangfald og kritisk medieforståing er viktig for eit velfungerande demokrati, og at det derfor er viktig med forsking på desse områda. 

750 000 kroner er øyremerkt forsking på dataspeling 

Av forskingsmidlane ein nå kan søke på, er 750 000 kroner øyremerkt forsking på dataspel. Det er nær ei dobling av potten siden forrige utlysing.  

– Desse midla skal gi meir nyttig kunnskap om dataspill-feltet. Det kan blant anna gje grunnlag for å drive betre førebygging av spilleproblemer, sier Sekkelsten.   

Eitt av måla i regjeringas handlingsplan mot speleproblem 2022-2025 er nettopp å finne ut korleis styrkane til dataspeling kan brukast til at færre får speleproblem. 

Søkarane kan forvente svar mot slutten av januar 2025. 

Les meir om medieforsking på Medietilsynets nettsider.