Lnett og KE Nett får løyve til å bygge ny kraftleidning og to transformatorstasjonar på Jæren
Noregs vassdrags- og energidirektorat (NVE) har gitt Lnett AS løyve til å bygge ein ny kraftleidning mellom Håland i Time og Vagle i Sandnes kommune. KE Nett får samstundes løyve til å bygge nye transformatorstasjonar på Tjøtta og Hatteland i Klepp kommune.
![](/data/images/public/89280/18204658/4805c178-93e4-4d24-999b-6b4f573977e0-w_720.jpg)
– Den nye utbygginga er viktig for straumforsyninga på Jæren. Den skal sørge for trygg kraftforsyning og auka overføringskapasitet for framtida, seier Ingrid Myrtveit, seksjonssjef i NVE.
Forbindelsen mellom Håland og Vagle er den hittil siste i ei rekke utbyggingar som utgjer spenningsoppgradering av Jærnettet.
– Kapasiteten i det gamle nettet er fullt utnytta på dei kaldaste dagane i året. Denne utbygginga er difor sentral for den vidare utviklinga av regionen, og eit viktig ledd i elektrifiseringa av samfunnet, seier Myrtveit.
Kraftleidninga på 132 kilovolt (kV) skal gå frå Håland i Time kommune, til Tjøtta og Hatteland i Klepp, og endar i Vagle i Sandnes kommune. Leidninga vil knytte saman regionalnettet på Jæren mellom transformatorstasjonen på Håland i Time, som stod ferdig i 2023, og Vagle i Sandnes.
Jordkabel i Klepp
Kraftnettet finansierast av eit spleiselag der alle straumkundar betaler gjennom nettleiga. Stortinget har vedtatt at kraftleidningar som har eit spenningsnivå på 132 kV i all hovudsak skal byggast som luftleidning. Årsaka er at jordkabel på dette spenningsnivået er fleire gongar dyrare enn luftleidning.
I denne saka har Klepp kommune vedtatt at dei på ei ca. 6,3 km lang strekning mellom Grønhaug og Hatteland vil betale meirkostnaden ved å nytta jordkabel framfor luftleidning. NVE gir derfor Lnett konsesjon til å bygge jordkabel på denne strekninga, med vilkår om at meirkostnaden skal finansierast av kommunen. Jordkabelen vil dermed ikkje gi høgare nettleige for straumkundane.
Stiller krav til anleggsarbeidet
Gjennom fleire høyringar, folkemøte og synfaring, meiner NVE at vi har funne den beste løysinga for plassering og utforming av kraftleidninga og stasjonane. NVE stiller krav om at Lnett og KE Nett skal lage detaljplanar som syner korleis anleggsarbeida skal gjennomførast for å minimere verknadene for lokalsamfunnet. Planane vil mellom anna ta føre seg omsynet til landbruksdrift og hekkande fugl, i tillegg til midlertidig bruk av vegar og riggområde.
Planen skal godkjennast av NVE før arbeidet kan starte.
Gamalt nett kan rivast
Med den nye leidninga i drift kan ein rive Tu transformatorstasjon og den gamle 50 kilovolts-leidninga mellom Holen, Tu og Hatteland. Denne forbindelsen går mellom anna over Frøylandsvatnet nord for Bryne.
Nøkkelord
Kontakter
Ingrid Myrtveit, seksjonssjef for nettkonsesjonar
E-post: inmy@nve.no
Tlf: 22 95 93 28
Jan Are Gildestad, sakshandsamar/seniorrådgjevar
E-post: jag@nve.no
Tlf: 22 95 94 38
Lenker
Om oss
Noregs vassdrags- og energidirektorat (NVE) har ansvar for å forvalte Noregs vatn- og energiressursar. NVE varetek også dei statlege forvaltningsoppgåvene innan skredførebygging. NVE skal sikre ei heilskapleg og miljøvennleg forvaltning av vassdraga, fremje ei effektiv kraftomsetning, kostnadseffektive energisystem og hjelpe til ein effektiv energibruk.
Følg pressemeldinger fra Norges vassdrags- og energidirektorat (NVE)
Registrer deg med din e-postadresse under for å få de nyeste sakene fra Norges vassdrags- og energidirektorat (NVE) på e-post fortløpende. Du kan melde deg av når som helst.
Siste pressemeldinger fra Norges vassdrags- og energidirektorat (NVE)
NVE gir løyve til å bygge to transformatorstasjonar i Kvinnherad14.8.2024 15:11:51 CEST | Pressemelding
Noregs vassdrags- og energidirektorat (NVE) har gitt Statnett SF og Fagne AS løyve til å bygge dei to transformatorstasjonane Onarheim og Øyra på Husnes i Kvinnherad kommune.
NVE ilegger Småkraft Green Bond 2 overtredelsesgebyr på 500.000 kroner4.7.2024 07:00:00 CEST | Pressemelding
Gebyret skyldes brudd på krav om minstevannføringen ved Stølselva kraftverk i Vestland fylke. Dette kan ha påvirket det biologiske mangfoldet i elva.
Statnett får tillatelse til endringer for ny kraftledning mellom Åfjord og Snilldal, men avslag på ekspropriasjonssøknad28.6.2024 15:00:00 CEST | Pressemelding
Norges vassdrags- og energidirektorat (NVE) gir Statnett konsesjon til enkelte mindre endringer for ny 420 kV kraftledning mellom Åfjord og Snilldal i Trøndelag. Samtidig avslås søknaden om ekspropriasjonstillatelse for anlegget. Begrunnelsen for avslaget er hensyn til reindriften på Fosen.
NVE gir konsesjon til fire bakkemonterte solkraftverk27.6.2024 14:15:44 CEST | Pressemelding
NVE gir tillatelse til etablering av fire bakkemonterte solkraftverk. Kraftverkene vil gi en samlet forventet årsproduksjon på nærmere 26 GWh, som tilsvarer årsforbruket til om lag 1300 husholdninger.
NVE gir Eide Fjordbruk overtredelsesgebyr på 1,5 millioner kroner27.6.2024 11:12:45 CEST | Pressemelding
Eide Fjordbruk AS får et overtredelsesgebyr på 1,5 millioner kroner fra Norges vassdrags- og energidirektorat. Bakgrunn for gebyret er at selskapet bygget to elektriske anlegg knyttet til fiskeoppdrett i Vestland fylke, uten å ha nødvendige tillatelser. Dette er et alvorlig brudd på en viktig bestemmelse i energiloven.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom