25 kommunar får tilskot til bustadtiltak i distrikta
Husbanken deler ut 21 millionar kroner i tilskot til bustadtiltak i distrikta i 2024. Kommunane skal bruke pengane til å prøve ut nye bustadkonsept og samarbeidsformer for å auke tilgangen på bustader.

Husbanken har teke imot 57 søknader om tilskot til bustadtiltak i distrikta. Av desse har Husbanken og Distriktssenteret i fellesskap valt ut 25 prosjekt som får tilskot.
– Mange distriktskommunar har små bustadmarknader med låg omsetjing og lite nybygging. Tilskota vi gir, skal bidra til auka bustadbygging, eit meir variert butilbod og tilgang på fleire eigna bustader i distrikta, seier administrerande direktør i Husbanken, Jan Hjelle.
Bustadutvikling og transformasjon
Her er nokre eksempel på prosjekt som får tilskot:
Ål kommune har fått 550 000 kroner til å kartlegge drifts- og finansieringsmodellar for eit regionalt bu-pilotkontor i Hallingdal. Dei skal samarbeide med fleire kommunar og andre aktørar, og målet er eit politisk vedtak om finansiering og etablering av bu-pilotkontoret.
Rauma kommune har fått 330 000 kroner for å greie ut korleis ein tidlegare prestegardsbustad kan bli tilpassa framtidige behov i kommunen.
Træna kommune har fått 800 000 kroner til å stimulere bustadutviklinga, gjennom samarbeid med private aktørar og næringslivet. Kommunen skal sette i gong eitt nytt bustadprosjekt som kan møte det akutte bustadbehovet i kommunen, og legge grunnlaget for fleire prosjekt framover.
Skjåk kommune har fått 1 000 000 kroner til å vidareføre prosjektet «Prøvebu i Skjåk». Kommunen skal vidareutvikle prøvebu-prosjektet og konkretisere ulike finansieringsmodellar for huskjøparar.
Kriterium for å få tilskot
Husbanken og Distriktssenteret har prioritert prosjekt som vil utvikle nye samarbeidsformer, forsøk med nye bustadkonsept og verkemiddel som bidreg til auka tilgang til eigna bustader i distriktskommunar. For eksempel:
- Modellar for eige/dele/leige og sikring mot tap ved sal av nye bustader
- Nye måtar å samarbeide med utbyggarar og andre aktørar på, for å styrke bustadmarknaden
- Samarbeid mellom kommunar om bustadutvikling
- Nye bustadkonsept og buformer som gir eit meir variert og framtidsretta bustadtilbod for ulike målgrupper, for eksempel unge vaksne og unge eldre
- Prosjekt som bidreg til auka tilgang til eigna bustader, for eksempel gjennom transformasjon og gjenbruk av eksisterande bustader og bygg
– Vi har òg lagt vekt på at kunnskapen som blir utvikla i prosjekta, skal dokumenterast, formidlast og blir delt på ein slik måte at andre kan ha nytte av erfaringane frå prosjektet, seier prosjektleiar Gry Kongsli i Husbanken.
Husbanken og Distriktssenteret vil følge opp kommunane som får tilskot og tilby kompetansestøtte og arenaer for erfaringsdeling.
Desse prosjekta får tilskot:
Namn på søker |
Namn på prosjekt |
Tilskotsbeløp |
Andøy kommune |
Andøy Boligbyggelag |
650 000 |
Berlevåg kommune |
Bygdevekstpilot Vestre Varanger – Utvikling av strategisk bustadplan for Berlevåg, Båtsfjord, Nesseby og Tana |
700 000 |
Dovre kommune |
Mikrobruk |
750 000 |
Drangedal kommune |
Aldersvennleg lokalsamfunn – Drangedal |
1 200 000 |
Evenes kommune |
Berekraftig bustadutvikling i Evenes kommune |
1 330 000 |
Fjord kommune |
Utviklingsprosjekt – Skape bulyst gjennom attraktive bustader |
1 500 000 |
Folldal kommune |
Forprosjekt/Fase 2 – gjenbruk av gamle institusjonsbygg – Verket skole, Folldal og Bergseth alders og sjukeheim, Rendalen |
1 930 000 |
Fyresdal kommune |
Århusjordet |
950 000 |
Gjemnes kommune |
Bustaddraumen Gjemnes |
420 000 |
Hammerfest kommune |
Felles saksbehandlingskontor for startlån for bygdevekstpilotane i Finnmark |
600 000 |
Høylandet kommune |
Lage rettleiar |
750 000 |
Meråker kommune |
Bustadutvikling i Meråker sentrum (Meråkertunet) |
350 000 |
Overhalla kommune |
Leigebustader ved Skage frivilligsentral |
700 000 |
Rauma kommune |
Moglegheitstudie – framtidig bruk av prestegardsbustaden på Åndalsnes |
330 000 |
Rennebu kommune |
Arena Rennebu |
560 000 |
Røst kommune og Værøy kommune |
Ein bustadmarknad i bevegelse? |
1 900 000 |
Røyrvik kommune |
Saman blir vi gode på bustad |
700 000 |
Sjåk kommune |
Bustad- og tilflyttarprosjektet "Sats på Skjåk" – FASE 2 |
1 000 000 |
Sør-Aurdal kommune |
Fjellvik – forprosjekt |
950 000 |
Tokke kommune |
Frå prøvebu til integrert innbyggar |
600 000 |
Træna kommune |
Bo i Træna |
800 000 |
Tydal kommune |
Bustad for alle |
1 200 000 |
Vågå kommune |
Småhus i Kjøpangervegen 3 |
80 000 |
Øystre Slidre |
Transformasjon og vidare bruk av institusjonslokala til Øystre Slidre sjukeheim – Ein moglegheitsstudie for å bidra til auka bustader i distriktskommunar |
500 000 |
Ål kommune |
Regionalt bu-pilotkontor i Hallingdal |
550 000 |
Fakta om tilskotet:
Tilskot til bustadtiltak i distrikta er ein del av tilskotsordninga «Tilskot til bustadtiltak». I denne ordninga inngår òg tilskot til bustadsosiale tiltak og driftstilskot til leigertakarorganisasjonar. Den totale tilskotsramma for ordninga er 37,5 millionar kroner i 2024. Dette er ei auking på 15,3 millionar frå 2023. Husbanken har i 2024 teke imot 146 søknader om til saman 133 millionar kroner.
Nøkkelord
Kontakter
Jorunn TennfjordSeniorrådgiver, kommunikasjon
Tel:+47 924 16 308jorunn.tennfjord@husbanken.noLenker
Følg pressemeldinger fra Husbanken
Registrer deg med din e-postadresse under for å få de nyeste sakene fra Husbanken på e-post fortløpende. Du kan melde deg av når som helst.
Siste pressemeldinger fra Husbanken
Du kan søke om 30 000 kroner i stipend for å skrive masteroppgave for Husbanken29.1.2025 14:57:01 CET | Pressemelding
Studerer du ved universitet eller høyskole i Norge, og skal skrive masteroppgave om tema knyttet til boligpolitikk, boligsosialt arbeid eller boligutvikling? Da kan du søke Husbanken om stipend på 30 000 kroner.
Nå kan du søke om tilskudd til boligsosiale tiltak fra Husbanken29.1.2025 14:50:27 CET | Pressemelding
I 2025 kan vi gi støtte til flere prosjekter som bidrar til at barnefamilier og lavinntektsgrupper kan etablere seg i egnede boliger. Prosjekter som bidrar til å utvikle metoder, boligløsninger og tiltak som bidrar til at flyktninger og personer med funksjonsnedsettelse etablerer seg, er høyt prioritert i år. I tillegg prioriterer vi tiltak som bidrar til at ingen skal være bostedsløse.
Nå kan kommunene søke om tilskudd til boligtiltak i distriktene29.1.2025 14:39:58 CET | Pressemelding
Kommuner i distriktene har nå en unik mulighet til å styrke boligsatsingen og møte utfordringene i sine lokalsamfunn. Husbanken, i samarbeid med Distriktssenteret, åpner for søknader om tilskudd til boligtiltak som skal fremme innovative løsninger og sikre flere egnede boliger.
Nominer din kandidat til Boligprisen 202520.1.2025 08:59:28 CET | Pressemelding
Husbanken har nå åpnet for nominasjoner til den nyetablerte Boligprisen, som skal hedre aktører eller organisasjoner for fremragende arbeid innen boligfeltet. Prisen deles ut for første gang i 2025, og alle interesserte kan nominere kandidater.
Husbanken lanserer nytt design på husbanken.no16.1.2025 13:55:59 CET | Aktuelt
Husbanken.no har blitt oppdatert med et helt nytt design. Arbeidet med nettsidene har vært en langsiktig satsning på brukervennlighet og universell utforming.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom