Andreas Rotevatn og Lindstrøm skapar eit eiget elektronisk jazzunivers

LYTT HER

I fleire eldre jazzlåtar finn ein ordet “strut” - som er ein type dans. Når trombona skal få skinne på dette albumet, er det i form av å vere i New Orleans sin trombone-tradisjon: rå, groovy og mange på ein gong. Fenomenet Elias Tafjord får røynleg synt fram sin jazzbakgrunn på låta, og spelar i den sokalla second line-tradisjonen frå nettopp då the crescent city.  

Ein rondo er ein komposisjonsform kor ein a-del stadig kjem att, med vekslande nye delar for kvar runde. Andreas fortel:

- I studio festa Elias triggerar på trommene, som gjorde at for kvar gong han slo eit slag på trommene, so spelte datamaskina hans av ein basslyd med varierande tonehøgde. So trombone, trommesett og den bastante basslyden er spelt live i studio.

Klubbmusikklegende Hans-Peter Lindstrøm kom inn i produksjonsprosessen, og brukte sine framifrå musikalske smakslaukar til å skape eit fullstendig lydlandskap. 

- Eg sendte opptaka frå studio til Lindstrøm, som sendte attende sikkert 30 ulike spor, og sa eg skulle velge dei eg likte best. So dei lydane i låta som ikkje er trombone, trommer eller basslyd, er alle hans verk! Fantastiske lydar, som gjorde heile låta levande på eit nytt plan, seier Andreas.

Artisten Andreas Rotevatn (f.1989) er fødd og oppvaksen på Nordfjordeid på Vestlandet. Sidan 2013 har han vore busett i Oslo. Han har ein bachelor i jazztrombone frå Griegakademiet og ein master i utøvande musikkteknologi frå Norges Musikkhøgskole.

Rotevatn kunne potensielt hatt ei noko elitistisk tilnærming til musikkverda - han er både spellemannsnominert komponist for albumet alea iacta est med jazzorkesteret OJKOS, og vinnar av Jazzprisen i 2023 for det følgande albumet Mensa Rotunda. I tillegg har han for tida det prestisjetunge arbeidsstipendet frå Kulturdirektoratet. Men jamsides suksess i den smalare delen av norsk musikkliv, har Rotevatn òg arbeidd i det meir tilgjengelege formatet - anten på turné som trombonist med Cezinando, Fieh, Razika og Jaga Jazzist, eller på plate med mellom anna Gabrielle, Highasakite, Jonas Alaska og Big Bang.

Rotevatn slepp sitt solo-album "Av daude gror" den 3.mai.