Innovasjon Noreg støtter Norwegian Hydrogens byggeprosjekt på Hellesylt

- Noreg og verda står framfor ei enorm omstilling dei neste åra, og vi er heilt avhengige av at næringslivet leier an. Difor treng vi at selskap som Norwegian Hydrogen lukkast i å finne nye, berekraftige løysingar, seier Helge Gjerde, regiondirektør for Møre og Romsdal i Innovasjon Noreg.

Norwegian Hydrogen vart etablert i Ålesund i 2020 av ei rekkje investorar med ein ambisjon om å skape ny industri innan nullutslippsløysingar. Selskapet bidrar til grøn omstilling gjennom utvikling og drifting av infrastruktur for grøn hydrogen, hovudsakeleg retta mot tungtransport, maritime kundesegment og industrielle applikasjonar.  

Prosjektet som no får stønad frå Innovasjon Noreg er bygginga av selskapets første produksjonsfasilitet for hydrogen, som skal lokaliserast på Hellesylt i Møre og Romsdal.  

- Vi er straks klare

- Vi er straks klare for å gå i gang på Hellesylt, og det vert eit flott anlegg som bidreg til nullutslepp innan ei rekkje sektorar allereie i år. Det grøne vekstlånet styrker evna vår til å satse på andre prosjekter og vidare vekst. Vi har store ambisjonar som det tar tid å byggje opp. Det er svært gledeleg at Innovasjon Noreg har vald å støytte oss vidare i denne prosessen, akkurat slik dei gjorde med Pilot-E-stønaden som bidrog til at Hellesylt Hydrogen Hub har blitt etablert, seier Jens Berge, administrerande direktør i Norwegian Hydrogen.

Fabrikken vil ha  ein produksjonskapasitet på 3 MW, og det planleggast for produksjonsstart i midten av 2024. Fabrikken vert det viktige, første pilotanlegget som vil vere med på å danne eit grunnlag for realisering av selskapets vekstambisjonar. Hydrogenanlegget på Hellesylt vil vere eit viktig utstillingsvindauge for å fortsette vidare vekst i selskapet.

Grønt vekstlån

Innovasjon Noreg har innvilga 35 millionar kroner i grønt vekstlån til Norwegian Hydrogen. Denne ordninga kan finansiere blant anna store prosjekt i form av kapitalintensive industrietableringar, og kan gis bedrifter som investerer i sirkulære produksjonsprosessar. Investeringar gjennom ordninga skal bidra mot 55-prosentsmålet for klimagassreduksjon innan 2030, og til investeringar som bidrar til grøn omstilling.  

- Vi håpar at Norwegian Hydrogen lukkast, og forhåpentleg aukar sjansane deira når vi i Innovasjon Noreg kan bidra til å ta ned risikoen for investorane, seier Helge Gjerde. 

Pressekontakt for Norwegian Hydrogen: Marielle Furnes Mannseth, 934 02 140