Den norske kirke

Ekstra støtte til låginntektsfamiliar

Del

Den norske kyrkja får meir enn fire ekstra millionar frå regjeringa. Pengane skal gå til arrangement, matposar og julegåver til vanskelegstilte i advent, jul og nyttår.

Den norske kyrkja får ekstra midlar frå regjeringa som skal gå til arrangement i juletida og på nyåret, utdeling av matposar til familiar og julegåver til born. (Illustrasjonsfoto: Sven-Erling Brusletto / Den norske kyrkja)
Den norske kyrkja får ekstra midlar frå regjeringa som skal gå til arrangement i juletida og på nyåret, utdeling av matposar til familiar og julegåver til born. (Illustrasjonsfoto: Sven-Erling Brusletto / Den norske kyrkja)

– Det er gledeleg at regjeringa ser innsatsen til trussamfunna for menneske i vanskelege situasjonar, seier kyrkjerådsdirektør Ingrid Vad Nilsen.

Regjeringa gjev 4,125 millionar kroner til Den norske kyrkja som skal gå til vanskelegstilte til jul og nyttår. 

Organisasjonar som Norges Kristne Råd, Kirkens bymisjon og Samarbeidsrådet for trus- og livssynssamfunn (STL) får også støtte til dette. Midla skal nyttast til arrangement i juletida og på nyåret, utdeling av matposar til familiar og julegåver til born.

– Den norske kyrkja har eit breitt sosialt arbeid som kan bidra også i denne situasjonen.

I 2022 vart det rapportert inn 3150 ulike sosiale og diakonale tilbod i kyrkjelydar over heile landet. Det var ein oppgang på 20 prosent frå året før.

Oppmoding til næringsliv og kommunar

Kyrkjerådsdirektøren fortel at Kyrkjerådet vil fordele tilskotet ut til 25 kyrkjeleg fellesråd. Fellesråda som får pengar er vald på bakgrunn av storleik og statistikk om born i familiar med vedvarande fattigdom i kommunen.

Samtidig kjem Vad Nilsen med oppmoding til næringsliv og kommunar om å bidra saman med kyrkja.

– Den norske kyrkja har mykje å bidra med. I tillegg til ekstra drahjelp frå regjeringa vil eg oppmode alle kommunar og næringsliv om å ha dialog med kyrkja lokalt om korleis vi best kan bidra for folk som har det vanskeleg.

Kyrkjeleg fellesråd i desse kommunane får støtte: Arendal, Asker, Bergen, Bodø, Bærum, Drammen, Elverum, Fredrikstad, Halden, Kongsvinger, Kristiansand, Larvik, Lillestrøm, Moss, Nordre Follo, Oslo, Sandefjord, Sandnes, Sarpsborg, Skien, Stavanger, Tromsø, Trondheim, Tønsberg og Ålesund.

Nøkkelord

Kontakter

Bilder

Den norske kyrkja får ekstra midlar frå regjeringa som skal gå til arrangement i juletida og på nyåret, utdeling av matposar til familiar og julegåver til born. (Illustrasjonsfoto: Sven-Erling Brusletto / Den norske kyrkja)
Den norske kyrkja får ekstra midlar frå regjeringa som skal gå til arrangement i juletida og på nyåret, utdeling av matposar til familiar og julegåver til born. (Illustrasjonsfoto: Sven-Erling Brusletto / Den norske kyrkja)
Last ned bilde

Om oss

65 prosent av befolkninga er medlem i Den norske kyrkja. Kyrkja er ein del av den evangelisk-lutherske kyrkjefamilien. Leiinga i kyrkja er samla i Kyrkjemøtet som består av medlemmane av dei elleve regionale bispedømeråda og biskopane. 

Den norske kyrkja er delt inn i 1 174 kyrkjelydar som disponerer 1 635 kyrkjebygg. Meir enn 8000 menneske arbeider i kyrkja og over 75 000 er frivillige medarbeidarar. D

Den norske kyrkja si verksemd er finansiert over kommunebudsjetta og statsbudsjettet. 

kyrkja.no

HiddenA line styled icon from Orion Icon Library.Eye