Jeremy Dutcher lea tenora, šuokŋadahkki, aktivista, etnomusikologa ja Nuorta-Kanáda Neqotkuk (Tobique First Nation) álbmoga lahttu. Son váldá juohke vejolašvuođa atnit Wolastoq First Nation-ruohttasiiddis musihkastis ja son hábme juoidá maid it dáidde ovdal gullan. Riikkaidgaskasaš dohkkeheami oaččui álbumis Wolastoqiyik Lintuwakonawá (2018), son vuittii Polaris Music Prize 2018:s ja «Indigenous Music Album of the Year» JUNO Awardsas 2019:s. Musihkka lea seaguhus neoklassihkalaš-, jazz- ja popmusihkas, ja lea niktán ovttasbargguid ikonalaš artisttaiguin nugo Yo-Yo Main ja Beverly Glenn Copelandiin. Dutchera bargu lea dolvon su máilmmi stuorimus konseartaviesuide, NPR Tiny Deskii ja Canada Drag Race duopmárbeavdái.

Dutcher berošta dehálašvuođas seailluhit gielas:

Mun dagan dán barggu danin go dál leat dušše 100 olbmo geat hupmet Wolastoqey. Lea mearrideaddji ahte atnit giellamet ja doalvut dan boahtte bulvii. Jus massát eatnigielat de massát áibbas čielga vuogi movt vásihat máilmmi. Dadjá Dutcher.

Sajje Solbakk, Riddu Riđđu festiválajođiheaddji, illuda konsertii:

Jeremy Dutcher lea gelddolaš musihkar geas lea hirpmahuhtti gaskkustandáidu, ja konsearta maid buvttii Riddu Riđđui 2019:s attii áibbas vissásit dáhtu eanet gullat! Sus lea fámolaš vokála ja Wolastoq First Nation-ruohttasat ovdanbohtet sihke šuoŋain ja teavsttain, mat hábmejit sierralunddot dáiddalaš univearssa mii darveha. Dál lea son áigeguovdil áibbas ođđa álbumiin – maid šaddá jalla somá vásihit live! Loahpaha Solbakk.   

Konsearta lea ovttasbargu gaskal All Things Live Norge, Parkteatret ja Riddu Riđđu Festivála.

Ovdagihtiivuovdin lea All Things Live Norge ođasreivve bokte gaskavahkku skábmamánu 22.b. diibmu 10:00. Bileahtat leat vuovdimassii Ticketmasteris duorastaga skábmamánu 23.b. dii. 10:00.

Jus háliida eanet dieđuid, preassagovaid, jearahallama várret dahje preassaakkrediterema, de váldet oktavuođa erika@allthingslive.com.