Sex, dop, stev og halling - ny låt frå Andreas Rotevatn og Sofie Tollefsbøl ute i dag!
Den Spellemannsnominerte trombonisten Andreas Rotevatn gjeng nye vegar i nytt prosjekt, i dag er andre singel "Kairos og Kronos" ute! Der har han fått med seg vokalist og keyboardist Sofie Tollefsbøl frå FIEH, som for fyrste gong syng på norsk!

Om du er ein Spellemanns-nominert komponist av musikk for stort jazzorkester, og skal starte ditt eige band - kva gjer du då? Trombonist, vokalist og keyboardist Andreas Rotevatn samla saman nokre av sine favorittmusikarar og produsentar for å lage ei plate - mellom anna fekk han med seg Sofie Tollefsbøl, Nikolai Hængsle, Hans-Peter Lindstrøm og Eivind Helgerød. Sleng i nokre eklektiske tekstar på nynorsk, og du får det komande albumet “Av daude gror”! Musikk fri for reglar eller avgrensingar, ei musikalsk frihavn kor alt er lov!
Artisten Andreas Rotevatn (f.1989) er fødd og oppvaksen på Nordfjordeid på Vestlandet. Sidan 2013 har han vore busett i Oslo. Han har ein bachelor i jazztrombone frå Griegakademiet og ein master i utøvande musikkteknologi frå Norges Musikkhøgskole.
Rotevatn kunne potensielt hatt ei noko elitistisk tilnærming til musikkverda - han er både spellemannsnominert komponist for albumet alea iacta est med jazzorkesteret OJKOS, og vinnar av Jazzprisen i 2023 for det følgande albumet Mensa Rotunda. I tillegg har han for tida det prestisjetunge arbeidsstipendet frå Kulturdirektoratet, men jamsides suksess i den smalare delen av norsk musikkliv, har Rotevatn òg arbeidd i det meir tilgjengelege formatet - anten på turné som trombonist med Cezinando, Fieh, Razika og Jaga Jazzist, eller på plate med mellom anna Gabrielle, Highasakite, Jonas Alaska og Big Bang.
Singelen "Kairos og Kronos" er ute i dag! I låta møter du Sofie Tollefsbøl, som i det store og heile har sunge på engelsk tidlegare i karriera, i norsk språkdrakt. Med hint av totning, får arkaiske ord som ei lise, stendig og starving prøvd seg i ei moderne poplåt.
Der er mykje som kan gjere eit menneske avhengig her i verda - sex, dop, musikk, dans, arbeid, makt, sladder og etterkomarar. Alt dette har ei ibuande evne til å ta over sinnet totalt, og gje skylappar. Denne tida kor du er heilt oppslukt, tenker Rotevatn er ein del av omgrepet kairos. I motesetnad til kronos, kor tida går som normalt og klokkar tikkar sin vande gang.
Musikalsk skiljer låta stemningsmessig mellom eit intenst og drivande kairos-refreng, og det stødige og jamne kronos-verset. Spørsmålet kjem til slutt til lyttaren: kva for ei tilnærming til å leve livet velgjer du?
- Nokon kan jo tenke at målet med livet må vere å vere mest mogeleg i kairos-tida, kor ein alltid kjenner som at ein lever fullt ut. Men dette har sin pris, og kan øydelegge mykje når ein til slutt må vende attende til kronosen - anten det går ut over familieforhold, eigen økonomi eller evne til å stå i mot det som kanskje ikkje er bra for korkje kroppen eller sinnet ditt. Eg for min del, kan nok vere samd med Olav H Hauge når han skriv: ´det gjeng an å leva i kvardagen òg´
Kontakter
Cathrine Å. HeenLabel Manager - A&R - Promotion
Tel:970 26 728cathrine@grappa.noDionisia FjelldalenPromotion: Grappa / Blue Mood / Barneselskapet
Tel:95809699dionisia@grappa.noBilder



Lenker
Om Grappa Musikkforlag
Grappa Musikkforlag A/S ble etablert i 1983 og er et av Norges største uavhengige plateselskap. I år 2023 har Grappa 40 års jubileum.
Grappa Musikkforlag har gitt ut over fire tusen album spredt på ulike labler. Foruten Grappa som favner viser og pop, så utgis klassisk musikk på Simax Classics, folkemusikk og verdensmusikk på Heilo, blues og country på Blue Mood og jazz på Hubro.
Grappa samarbeider med Egmont Kids Media Nordic AS om utgivelse av barnemusikk gjennom Barneselskapet. Grappa samarbeider med Norsk Jazzforum om innspilling og utgivelse av norsk jazz på Odin. Grappa har også et tett samarbeide med Rune Grammofon og Drabant Music.

Følg pressemeldinger fra Grappa Musikkforlag AS
Registrer deg med din e-postadresse under for å få de nyeste sakene fra Grappa Musikkforlag AS på e-post fortløpende. Du kan melde deg av når som helst.
Siste pressemeldinger fra Grappa Musikkforlag AS
Vårvibbar i Prins Thomas-remix av Andreas Rotevatn si låt "Kairos & Kronos"28.3.2025 09:15:00 CET | Pressemelding
DJ Prins Thomas med ny remix av låt frå Andreas Rotevatn sitt soloalbum. "Kairos & Kronos" med Sofie Tollefsbøl på lead-vokal, gjev lyttarane deilig, feel-good vår-stemning!
Spring Vibes in Prins Thomas’ Remix of Andreas Rotevatn’s "Kairos & Kronos"28.3.2025 09:15:00 CET | Press release
DJ Prins Thomas releases a new remix of a track from Andreas Rotevatn’s solo album. Kairos & Kronos, featuring Sofie Tollefsbøl on lead vocals, brings listeners a delightful, feel-good spring atmosphere!
Yngvil med ny kampsang for alle som har blitt kalt "for mye"28.3.2025 08:55:00 CET | Pressemelding
Den nye singelen til visepop-stjerneskuddet Yngvil, handler om frykten for å åpne seg. "Håndbagasje" er ute i dag og er allerede lista på NRK P1.
Ketil Bjørnstad gir oss lys og mørke i vakker pianodrakt - "Evening Song - Aftensang" er ute i dag!21.3.2025 08:55:00 CET | Pressemelding
På hans nye album går Bjørnstad tilbake til kjernen - alene med flygelet.
Ketil Bjørnstad gives us light and darkness in new beautiful piano work - "Evening Song" is out today21.3.2025 08:55:00 CET | Press release
Ketil Bjørnstad returns to the core—alone with the grand piano.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom