Skal du ut og reise i helga? Sørg for å vera førebudd på køyreforholda

Snø, regn som frys på bakken, flom- og skredfare, kraftige vindkast. Ved inngangen til helga står farevarsla frå Meteorologisk institutt i kø. Skal du ut og reise i helga må du sørge for å vera oppdatert på køyreforholda der du skal køyre, og ha utstyret i orden.

- Vi i Statens vegvesen gjer det vi kan for å halde vegane opne og godt farbare. Og så må trafikantane sjøl sørge for å vera førebudd på dei forholda som møter dei, og sørge for å gjera smarte val når det gjeld deira eiga reise. Å ferdast trygt på vegane er eit felles ansvar, ein dugnad mellom fleire partar, seier Nils Karbø, avdelingsdirektør for trafikkstyring og beredskap i Statens vegvesen.

Last ned appen Vegvesen trafikk for å få varsel om stengt veg

Karbø er sjef for dei fem vegtrafikksentralane her i landet, og har følgande råd og oppmodingar til trafikantane, både dei som køyrer personbil og til tungbilsjåførane:

• Skaff deg kunnskap om forholda akkurat der du skal køyre. Vegvesen.no/trafikk og appen Vegvesen trafikk er gode og lett tilgjengelege informasjonskjelder. I appen kan du få varsel om ein veg blir stengd eller kolonnekøyrd.
• Rekne god tid til køyreturen, meir enn du ville gjort på bar veg og sommarføre.
• Vær førebudd på at vegar kan bli stengde på kort varsel.
• Vinterdekk er eit sjølvsagt krav på vinterføre.
• Sørg for å ha nok straum eller drivstoff på bilen.
• Ha varme klede, mat og drikke i bilen, særleg om du skal over fjellet eller på langtur.

Karbø understrekar at Statens vegvesen følger situasjonen på vegane nøye og er i tett dialog med entreprenørar og andre beredskapsmyndigheiter. Vi gjer preventive tiltak som og andre førebuande tiltak. Kontrollørane våre er på jobb for å luke ut køyretøy som ikkje burde vera på vegen.

Kjelder til trafikkinformasjon frå Vegvesenet

Statens vegvesen har mange nyttige tenester og kjelder til oppdatert trafikkinformasjon. Hald deg oppdatert her:

• Vegvesen.no/trafikk (web)
• Vegvesen trafikk (app)
• Status på fjellovergangar og andre vêrutsette vegar
• Webkamera og vêrstasjonar langs vegen
• Oversiktsside for trafikkmeldingar
• Følg Vegtrafikksentralen for ditt område på X/Twitter:

• • Vegtrafikksentralen Øst (@VTSost)
  • Vegtrafikksentralen Nord (@VtsNord)
  • Vegtrafikksentralen Midt (@VTSMidt)
  • Vegtrafikksentralen Vest (@VTSvest)
  • Vegtrafikksentralen Sør (@VTS_sor)