Rentehopp har gjeve dobling i skattekortendringar
Når rentene aukar er det viktig å sjekke at du har rett skattetrekk. Så langt i år har om lag 700 000 personar gjort endringar i skattekortet sitt - det er ei dobling frå 2022. Skatteetaten oppfordrar særleg personar med fastrentelån til å sjekke skattekortet ekstra i år.
![](/data/images/public/1726411/17997089/04f4ec7f-4876-45b2-bdc9-c603e490a95a-w_720.jpg)
– Det har skjedd store endringar i norsk økonomi og desse påverkar dei fleste. Difor er det kanskje viktigare enn nokon gong at du har eit bevisst forhold til skatten din, fortel divisjonsdirektør Regine Hatleskog Vastvedt.
Ho påpeiker at det i år er spesielt viktig å sjekke rentene i skattekortet. Skatteetaten har teke høgde for at renta aukar kraftig frå 2021 til 2023. For dei fleste vil desse estimata stemme.
- Men om du har fastrente, kjøpt eller seld bustad, betalt ned gjeld eller fått lågare renteutgifter av andre grunnar, kan det hende at estimatet i skattekortet ikkje stemmer, opplyser Regine Hatleskog Vastvedt.
Ekstra viktig med rentesjekk
Skattekortet bestemmer kor mykje skatt du skal betale i løpet av året. I skattekortet estimerer Skatteetaten kva vi trur at du kjem til å ha i løn, gjeld, bankinnskot og frådrag for 2023. Våre estimat baserer seg mellom anna på informasjon frå det siste skatteoppgjeret ditt. Det vil seie at ein del av informasjonen er to år gammel.
– For mange vil estimatet treffe godt, mens andre bør endre skattekortet for å betale rett skatt, seier Vastvedt.
Du får frådrag for gjeldsrenter, det vil seie renter du betaler på lån og anna gjeld. Hvis gjeldsrentene er estimert høgare i skattekortet enn det du faktisk ender opp med å betale i 2023, risikerer du å betale for lite skatt og få restskatt til neste år. Dette kan eksempelvis gjelde om du har fastrente på lån.
– I skattekortet må du oppgje kor mykje du trur at du kjem til å betale i renter i 2023, i feltet for «Gjeldsrenter», forklarer divisjonsdirektøren.
For å finne rett rentefrådrag må du sjekke kor mykje du har betalt i renter hittil i år og legge til forventa renteutgifter for resten av året. Om du er usikker, kan du ta kontakt med banken din. Det er også viktig å hugse på å sjekke skattekort/skattetrekk for medlåntakar om du har det.
Dette bør du også sjekke
Om noko har endra seg i livet ditt, vil det ofte påvirke skatten. Eksempelvis om du har fått ny jobb, blitt pensjonist, kjøpt eller seld bolig, betalt ned på lån eller inngått avtale om fastrente. Då bør du sjekke skattekortet
Om du vil unngå restskatt, er det spesielt viktig å sjekke:
- Gjeldsrenter
- Renteinntekter
- Inntekt/pensjon
- Foreldrefrådrag
Ser endringane med ein gong
Du må sjølv sjekke skattekortet. Hvis noko ikkje stemmer, må nye tal leggast inn. Du kan sjekke og endre skattekortet ditt på skatteetaten.no/endre. Når du gjer endringar i skattekortet, ser du med ein gong korleis det påverkar skatten du skal betale. Du ser endringane før dei sendast inn.
– Hvis noko endrar seg i din privatøkonomi seinare, bør du sjekke igjen. Hvis renta på lånet ditt går opp eller ned, bør du også sjekke skattekortet på nytt. Du kan endre skattekortet så mange gonger du vil. Då lagar vi eit nytt skattekort som arbeidsgjevar og NAV hentar direkte. Du treng ikkje gjere noko meir, seier Vastvedt.
Om du endrar skattekortet ditt seint på året, kan det ha stor påverknad på kor mykje skatt du betalar, i og med at det er få månader igjen å fordela skattetrekket på. Om du oppdagar feil og ikkje endrar, risikerer du å få restskatt når skattemeldinga kjem i mars neste år. Skatten vert den same – enten får du høgare skattetrekk kvar månad, eller så får du restskatt. Om du får restskatt skal denne betalast i august og/eller september neste år.
Mange har endra i skattekortet
Tal frå Skatteetaten viser at nær 700 000 personar har vore inne og endra renteinntekter eller rentefrådrag i skattekortet hittil dette året. Det er dobbelt så mange som året før (sjå tabell). Tala viser at gruppa som har redusert rentefrådraget i sum om lag har halvert beløpa samanlikna med det som var estimert i skattekortet. Gruppa som har auka rentefrådraget har i snitt auka med meir enn det dobbelte av kva som var estimert i skattekortet.
Statistikk frå Skatteetaten på kor mange som har endra renteinntekter eller frådrag i skattekortet i 2023:
Endringar i skattekortet 2023 | Antal personar | Frå (mill kr) | Til (mill kr) |
Økt renteinntekter | 52 761 | 368 | 1 098 |
Redusert renteinntekter | 235 069 | 15 559 | 4 312 |
Økt rentefrådrag | 138 096 | 6 249 | 15 326 |
Redusert rentefrådrag | 257 365 | 32 426 | 14 982 |
Endringar i skattekortet 2022 | Antal personar | Frå (mill kr) | Til (mill kr) |
Økt renteinntekter | 29 153 | 92 | 279 |
Redusert renteinntekter | 114 014 | 1 103 | 431 |
Økt rentefrådrag | 77 114 | 1 977 | 5 208 |
Redusert rentefrådrag | 117 827 | 6 658 | 3 030 |
Nøkkelord
Kontakter
Christer GiljePressesjef
Tel:945 01 000presse@skatteetaten.noBilder
![Fungerande avdelingsdirektør, Regine H. Vastvedt](/data/images/public/1726411/17997089/d000bbb1-700b-4d3c-be0a-a88f3085f171-w_240.jpg)
Følg pressemeldinger fra Skatteetaten
Registrer deg med din e-postadresse under for å få de nyeste sakene fra Skatteetaten på e-post fortløpende. Du kan melde deg av når som helst.
Siste pressemeldinger fra Skatteetaten
Anmelder leger for skatteunndragelser14.8.2024 10:50:02 CEST | Pressemelding
Skatteetaten har kontrollert 33 leger som har mottatt refusjoner fra Helfo i forbindelse med fastlegeoppdrag. Fem leger er så langt anmeldt for grovt skattesvik eller grovt uaktsomt skattesvik. Totalt anslås det å være unndratt over 162 millioner kroner i inntekt til beskatning.
Arendalsuka: Skatteetaten setter søkelyset på internasjonal skatteunndragelse og nordmenns skattemoral9.8.2024 13:27:02 CEST | Pressemelding
Skatteetaten inviterer til to spennende arrangementer under Arendalsuka 2024. I tillegg deltar Skatteetaten på rundt 20 arrangementer. Her finner du alle.
Du må ikke betale for å melde flytting24.7.2024 10:08:06 CEST | Pressemelding
Skal du flytte i sommer? Det kan du gjøre gratis på nettsidene til Skatteetaten.
Har du sommerjobb? Velg riktig og unngå å betale for mye i skatt18.7.2024 08:09:18 CEST | Pressemelding
Frikort eller skattekort? Hvis du har sommerjobb så bør du sikre deg at du betaler riktig skatt. Her er Skatteetatens råd.
Digitalisering gjør flytteprosessen til og fra Norge enklere1.7.2024 09:14:43 CEST | Pressemelding
Sommeren er høysesong for flytting. Skatteetaten har lansert to nye løsninger som gjør at alle norske og utenlandske statsborgere med elektronisk ID kan melde flytting til og fra Norge digitalt. Med dette er det for mange slutt på penn og papir i flytteprosessen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom