Vekst i flytrafikken samla, men nedgang innanlands

-Det samla talet på reisande aukar i april samanlikna med april i fjor, men det var nedgang i talet på reisande innanlands. I fjor var det konkurranse også frå Flyr, så utviklinga innanlands er nok dels prega av den reduserte konkurransen vi ser i denne marknaden. Veksten i flytrafikken i april kjem dermed blant dei som flyg til utlandet – ein marknad med fleire aktørar og sterkare konkurranse, i tillegg til at Covid framleis begrensa marknaden på same tid i fjor, seier trafikkdirektør i Avinor, Gaute Skallerud Riise.

-Utviklinga utanlands er i tråd med prognosane våre, medan trafikken innanlands har utvikla seg noko svakare. Det er venta at flytrafikken vil ligge under 2019-nivå resten av året, men med ein klar topp i sommarmånadene, seier Skallerud Riise.

Flyrørsler

Det var 50.137 kommersielle flyrørsler i april 2023. Dette er 1 prosent færre enn i april i fjor. Om ein samanliknar med april i 2019, har det vore ein nedgang i talet på flyrørsler på 5 prosent.

Flytrafikken utanlands aukar framleis

1,5 millionar passasjerar reiste mellom Avinor sine lufthamner og utlandet i april. Trafikken utanlands har auka med 15 prosent samanlikna med i fjor, da luftfarten framleis var råka av pandemi og visse reiserestriksjonar.

Flytrafikken innanlands går tilbake for første gong i år

Bortimot 2,2 millionar passasjerar reiste innanlands i april. Så langt i år har flytrafikken auka, samanlikna med i fjor, men i april snudde denne utviklinga og det er ein nedgang på 6 prosent mot same månad i 2022.

 

Hittil i år samanlikna med 2019

Om ein samanliknar talet på passasjerar så langt i år med same periode i 2019, ser ein at vi no ligg 14 prosent bak normalåret 2019. Flyrørsler hittil i år er 9 prosent bak 2019.

Her er passasjertala i april frå dei store lufthamnene (Oslo, Bergen, Trondheim og Stavanger), samt DRL (dei regionale lufthamnene) samanlikna med 2022:

	April			Hittil i år
Lufthamn	2022	2023	Endring	2022	2023	Endring
Oslo	1 851 000	1 942 000	5 %	5 293 000	7 127 000	35 %
Bergen	484 000	481 000	-1 %	1 507 000	1 804 000	20 %
Trondheim	317 000	309 000	-3 %	966 000	1 208 000	25 %
Stavanger	292 000	305 000	5 %	872 000	1 148 000	32 %
DSL sum	2 943 000	3 037 000	3 %	8 638 000	11 288 000	31 %
DRL sum	752 000	717 000	-5 %	2 477 000	2 907 000	17 %
Avinor sum	3 696 000	3 754 000	2 %	11 115 000	14 194 000	28 %

Samanlikna med 2019:

	April			Hittil i år
Lufthamn	2019	2023	Endring	2019	2023	Endring
Oslo	2 250 000	1 942 000	-14 %	8 533 000	7 127 000	-16 %
Bergen	498 000	481 000	-3 %	1 874 000	1 804 000	-4 %
Trondheim	333 000	309 000	-7 %	1 350 000	1 208 000	-11 %
Stavanger	332 000	305 000	-8 %	1 301 000	1 148 000	-12 %
DSL sum	3 414 000	3 037 000	-11 %	13 059 000	11 288 000	-14 %
DRL sum	847 000	717 000	-15 %	3 422 000	2 907 000	-15 %
Avinor sum	4 261 000	3 754 000	-12 %	16 480 000	14 194 000	-14 %

 Her finn du tidlegare trafikkstatistikk.

Sjå også vedlegg:

Infografikk (pdf)

April-rapport (xlsx)