Vassdrags- og energidirektøren overleverte nytt sikringsanlegg som sikrar mot flaumskadar i Sandane sentrum

NVE har støtta Gloppen kommune med å bygge anlegget, som reduserer faren for flaumskadar i Sandane sentrum. Overleveringa vart markert fredag 6. desember klokken 10.30-13.00 med ei felles synfaring og overlevering i Gloppen heradshus

NVE har det nasjonale ansvaret for flaum- og skredfare og støtter kommunane med kartlegging, sikring og arealplanlegging. Sandane sentrum ble i 2016 faresonekartlagt av Asplan Viak. Kartlegginga viste betydeleg areal som vart overfløymd ved en 200 års flaum og at fleire av bruene i sentrum har for liten kapasitet.

Flaumen i 2014, og fleire flaumhendingar dei seinare åra har gjeve fleire flaumskadar. I ettertid ble det utført krisetiltak, og ein så behov for ytterlegare prosjektering og sikring.

700 m av elva er no sikra, med erosjonssikring i elvebotn og elveside, jamfør TEK17. Gloppen kommune har nytta høve til å skifte ut to kommunale bruer. Det har blitt utført miljøtiltak for å betre gyte- og miljøforholda for fisk.

Fakta

• Tidsrom utføring:mai 2018 – november 2019
  (oppstart 23. mai 2018, overlevering 6. des 2019)
• Kostnad: ~20 mill.kr.
• Kostnadsfordeling:NVE 80%, Gloppen kommune 20%
• Prosjektering: Multiconsult AS
• Entreprenør:NVE anlegg
• Underentreprenørar:
  - Nordfjord Skifer AS – levert stein og masser
  - Ivar Sunde AS – betongarbeid
  - Olav Hjelmest AS – transport, grave- og plastringsarbeid
• Underleverandørar:
  - Jostein Sunde AS – murearbeid
  - Alværvik Gråsteinsmuring AS – murearbeid
  - Førde Sementvarefabrikk – betongkulvert
  - Anleggsgartnar Baarøy - gartnararbeid