Løyve til ny 132 kV leidning og ny transformatorstasjon i Tysvær i Rogaland

Haugaland Kraft Nett fekk den 5. mars 2015 løyve til å byggje ein ny 66 kV leidning mellom Klovning transformatorstasjon og Haugaland Næringspark transformatorstasjon, og ny Haugaland Næringspark transformatorstasjon. Denne leidningen er endå ikkje bygd, og den no konsesjonsgjevne 132 kV-leidningen vil vere i staden for denne. Den nye leidningen vil vere ca. 7,3 km lang. På strekninga Klovning–Apeland vil dagens 66 kV leidning bli riven og lagt på same masterekke som ny leidning. Innføringa til Haugaland Næringspark vert gitt i traséalternativ 1. 

Grunngjevinga for vedtaket er at det er naudsynt å auke forsyninga til Haugaland Næringspark for å leggje til rette for den planlagde industriutviklinga, og å ta omsyn til Statnett sine framtidige planar i området. Samstundes vil tiltaket leggje til rette for å knyte til ny produksjon dersom dei konsesjonsgjevne vindkraftverka i området blir realisert. Det vil òg vere første steg i auka forsyningstryggleik til Haugesund.

NVE meiner dei omsøkte endringane er fornuftige og at dei vil ha små verknader for ålmenta og naturmangfaldet. Desse verknadene meiner NVE kan avgrensast gjennom avbøtande tiltak.

NVE gir samstundes Haugaland Kraft Nett AS ekspropriasjonsløyve for å krevje naudsynte grunn og rettar for bygging og drift av dei nye tilknytingsleidningane.

NVE sett krav om at Haugaland Kraft Nett skal utarbeide miljø-, transport- og anleggsplan der forholdet til det verna Høievassdraget, kystlynghei og fugl skal omtalast og planen skal godkjennast av NVE før anleggsstart.

Meir informasjon om tiltaka kan finn du på NVE sine nettsider: www.nve.no/kraftledninger