Over to millionar til private kulturminne i Sogn og Fjordane

Kulturminnefondet har slutta med ei årleg søknadsfrist, og gjev no støtte til kulturminne over heile landet kontinuerleg i 2019.

I årets første kvartal er det behandla 488 søknader, der det er søkt om 220 millionar kroner til saman. 283 prosjekt har blitt gjeve støtte, men ei samla sum på nesten 58 millionar kroner.

- Dei seinare åra har tilskota frå Kulturminnefondet til private eigarar av verneverdige kulturminne blitt dobla. Kulturminnefondet sikrar viktige kulturminne over heile landet på ein effektiv og målretta måte. Å ta var på kulturarven er godt for miljøet, det gjer lærdom om historia vår, og det skapar aktivitet og arbeidsplassar over heile landet, seier klima- og miljøminister Ola Elvestuen.

Det er svært gode tilbakemeldingar på løypande behandling av søknadar frå private eigarar som vil setje i stand sine kulturminne, og tida Kulturminnefondet brukar på saksbehandling har gått kraftig ned.

- Innføringa av løypande søknadsbehandling har skjedd etter forslag frå eigarane av kulturminna. Eg er svært tilfreds med at det no fører til enklare søknadsbehandling og raskare saksbehandlingstid, seier Simen Bjørgen, direktør i Kulturminnefondet.

Lista over dei som har fått støtte i Sogn og Fjordane:

(Prosjekt, søker, kommune, tilskot)

• Skykkja på Øvre Tveit, Peder Tveit, Askvoll, 56.000
• Det gamle tunet på Høgi - stabburet, Merete Høgi, Luster, 280.000
• Løa på Dragsvik, Anne Randi Farnes, Balestrand, 120.000
• Feigum mølle, Kjell Feigum, Luster, 633.000
• Gamlebua i Stavang, André Haave, Flora, 100.000
• Låve/fjøs Remmedalen, Olav Kandal, Eid, 350.000
• Naustet i Skjerdalen, Arne Skjerdal, Gloppen, 200.000
• Naust, Alf Tore Hommedal, Vik, 300.000
• Lagerhus på Ålrek, Ragnar Alrek, Vik, 140.000