Konsesjon til ombygging av Hamang transformatorstasjon i Sandvika

NVE meiner at Hamang transformatorstasjon har ei avgjerande rolle for kraftforsyninga til kommunane Asker og Bærum og Oslo Vest. Med bakgrunn i anleggets alder og tilstand vurderer NVE at det er nødvendig med større utskiftingar for å halde fast på forsyningssikkerheita og legge til rette for framtidige spenningsoppgraderingar i regionen.

NVE meiner at ombygging av transformatorstasjonen på eksisterande areal ikkje vil medføre nye vesentlege ulemper for nærliggande busetjing eller allmenne interesser. Etter NVEs vurdering vil situasjonen etter ombygginga være uendra eller betra samanlikna med dagens situasjon. Nye transformatorar lagar mindre støy, og ombygginga av Hamang transformatorstasjon gjer det muleg å sanere 47 kV luftleidning frå Hamang til Berger transformatorstasjon i Asker kommune.

To alternative plasseringar
Statnett har omsøkt to alternative plasseringar av anlegget på aust- og vestsida av dagens E16. På austsida av vegen vil ombygging ikkje få følgjer for nye areal og anlegget vil bli bygd om på dagens stasjonsområde. Denne ombygginga er kostnadsestimert til ca. 400 millionar kroner. Alternativet på vestsida av vegen går ut frå bygging av eit mindre anlegg innandørs. Dette vil krevje mindre areal, men vil vere ca. 250 millionar kroner dyrare enn ved å bygge på eksisterande stasjon som eit utandørsanlegg. Utbygging på vestsida vil i tillegg vere avhengig av framdrifta for bygging av ny E16 i tunnel.

Les meir om ombygging av Hamang transformatorstasjon på NVEs nettstad. 

Kontaktpersonar
Seksjonssjef Siv Sannem Inderberg, tlf. 22 95 94 38
Førstekonsulent Simen Sørlie, tlf. 22 95 91 91