Ikkje løyve til Øla kraftverk i Nord-Fron

Øla kraftverk var planlagd i vassdraget Øla, som renn ut i Gudbrandsdalslågen like nord for Vinstra. Kraftverket var planlagd med ein installert effekt på 2,3 MW og ville gitt ein årleg produksjon på omlag 7 GWh.

Søknaden er avslått grunna store konfliktar med naturverdiar. Langs Øla finst det raudlista artar som er truga i ulik grad, mellom anna ein sterkt truga art (elfenbenslav) knytt til ein viktig og omsynskrevjande naturtype. Dei raudlista artane krev eit fuktig miljø og vil med stort sannsyn døy ut om kraftverket vert bygd.

Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE meiner at dei negative konsekvensane av ei utbygging ikkje kan vegast opp med avbøtande tiltak.

NVE vurderer det slik at ei utbygging av vassdraget ikkje er akseptabel i høve til allmenne interesser og gjev difor ikkje løyve til Øla kraftverk.

Les meir om avslag til Øydna kraftverk på NVEs nettstad.

Kontaktpersonar:
Seksjonssjef Øystein Grundt, tlf. 22 95 93 89 / 90 19 82 16
Overingeniør Kirsten Marthinsen, tlf. 22 95 92 34