Løyve til oppgradering av 132 kV leidning Samnanger–Øystese og avslag til Kvam transformatorstasjon

Søknadene fra BKK Nett AS og Statnett SF vil begge auke nettkapasiteten i området og legge til rette for ny kraftproduksjon. Det er etter NVEs meining ikkje behov for begge tiltaka.

Kraftleidningen vil legge til rette for ny kraftproduksjon og oppretthalde ei sikker og stabil straumforsyning i Kvam og Ålvik. 132 kV kraftleidningen Samnanger–Øystese skal hovudsakleg følgje eksisterande kraftleidningar og skal erstatte den eksisterande kraftleidningen på same strekning. Leidningen vil gi ulemper i form av visuelle verknader frå fritidsbusetnader og friluftsområde. Verknadene endrar seg likevel lite samanlikna med dagens situasjon. NVE har fastsett vilkår i konsesjonen om utarbeiding av en miljø-, transport- og anleggsplan og det er ein føresetnad at planen blir drøfta med Samnanger kommune og Kvam herad, grunneigarar og rettshavarar. Det er også fastsett vilkår om kamuflerande tiltak og avgrensa skogrydding.

Etter NVEs vurdering vil Kvam transformatorstasjon medføre eit større og nytt arealinngrep som ikkje gir ei betre teknisk løysning og heller ikkje betra forhold når det gjeld beredskap. I tillegg er dette eit dyrare alternativ. Nytten av å kunne rive 132 kV-leidningen mellom Samnanger og Norheimsund meiner NVE ikkje veg opp for ulempene som ein ny transformatorstasjon vil føre med seg. NVE avslår på bakgrunn av dette Statnetts konsesjonssøknad om Kvam transformatorstasjon.

Les meir om:

• 132 kV leidning Samnanger–Øystese
• Kvam transformatorstasjon

Kontaktpersonar:
Avdelingsdirektør Rune Flatby tlf. 22 95 92 72 eller 416 78 203
Seksjonssjef Siv Sannem Inderberg, tlf 22 95 9438 eller 901 93 008