Løyve til Dalelva Kraftverk i Masfjorden

Dalelva Kraftverk vil etter dei framlagde planane nytte ei fallhøgd på 127 meter i Dalelva. Kraftstasjonen er planlagt like oppstraums for Kjetland kraftverk som vart sett i drift i 2004. Vatnet skal førast i nedgrave røyr heile vegen frå inntaket og ned til kraftstasjonen.

Dei viktigaste problemstillingane i saka er slik NVE ser det, inngrep i eit særs krevjande terreng i tiltaksområdets øvre del. Det er ikkje påvist særskilde biologiske verdiar i området, og Dalelva kraftverk vil ikkje røyre ved trua artar eller viktige naturtypar. Samtlege høyringspartar meiner at ei ytterlegare utbygging av Dalelva kan gjennomførast. For å redusere verknadene av landskapsinngrepa i øvre del, har NVE sett krav om at inntaket skal trekkast nokre høgdemeter ned. Dette vil etter NVEs meining gi ei langt meir skånsam utbygging.

NVE vurderer at dei samla negative verknadene av utbygginga kan aksepterast, sett i forhold til nytten av den forventa kraftproduksjonen i Dalelva Kraftverk. På bakgrunn av dette har NVE gitt løyve til bygging av Dalelva Kraftverk på nærare fastsette vilkår.

Les meir om Daleelva Kraftverk  

Kontaktpersonar:
Seksjonssjef Øystein Grundt, tlf. 22 95 93 89 / 901 98 216
Avdelingsingeniør Rune Moe, tlf. 22 95 93 15